շաբաթ, 8 մայիսի 2010
Վարչապետի այցելությունը Չեխիա
«Հայաստանի Հանրապետությունը» տպագրել է թե համապատասխան լրատվություն, թե վարչապետի ելույթն ամբողջությամբ: «Հայոց աշխարհը» բավականացել է հակիրճ լրատվությամբ, «Հայկական ժամանակը»` պարզապես հայտնելով նիստին վարչապետի մասնակցելու փաստը և հավելելով` «նա նույնիսկ ելույթ է ունեցել»: «168 ժամը» տպագրել է ելույթի համառոտ շարադրանքը` «Դասախոսություն» եվրոպացիների համար», իսկ «Ժամանակը», ելույթը դարձնելով առիթ, գնահատական է տվել Հայաստան-Եվրոպա համագործակցությանն ընդհանրապես. «Հայաստանի իշխանության պարագայում այդ ծրագրերը Եվրոպայի հետ խոսելու թեման են, եվրոպաներ գնալ-գալու առիթ, խելոք երևալու հնարավորություն: Դրանից բացի, միլիոնավոր դոլարների դրամաշնորհային ներհոսք են ապահովում երկիր, իսկ դա բերում է տնտեսական էֆեկտի, քանի որ այդ միլիոնները ծախսվում են Հայաստանում և շատ թե քիչ, բայց կշիռ ունենում ՀՆԱ ձևավորման գործում»:
