Տեղեկանք ԱԺ նիստերի մասին

ԱՄՓՈՓԻՉ ՏԵՂԵԿԱՆՔ
Հայաստանի Հանրապետության Ազգային ժողովի չորրորդ գումարման չորրորդ նստաշրջանի արդյունքների մասին (08.09.2008թ.-04.12.2008թ.)


Հայաստանի Հանրապետության Ազգային ժողովի չորրորդ գումարման չորրորդ նստաշրջանի ընթացքում գումարվել է 5 քառօրյա եւ 5 արտահերթ նիստ` ՀՀ Սահմանադրության 70-րդ հոդվածով սահմանված կարգով` 2-ը ՀՀ ԱԺ պատգամավորների, 2-ը ՀՀ կառավարության, 1-ը ՀՀ նախագահի նախաձեռնությամբ։ Նստաշրջանի ավարտից հետո գումարվել է 1 արտահերթ նստաշրջան` ՀՀ կառավարության նախաձեռնությամբ։

Նստաշրջանի սկզբում հաստատված օրակարգում ընդգրկված էր 81 հարց, որից 50-ը ՀՀ կառավարության օրենսդրական նախաձեռնություններն էին (1-ը անհետաձգելի), 17-ը` ՀՀ ԱԺ պատգամավորներինը, 1-ը` ՀՀ կառավարության և ՀՀ ԱԺ պատգամավորների համատեղ նախաձեռնությունն էր, իսկ 13-ը` պարտադիր եւ ըստ անհրաժեշտության քննարկվող հարցեր։ Հետագայում նստաշրջանի օրակարգը լրացվեց ևս 39 հարցով, որից 23-ը ՀՀ կառավարության օրենսդրական նախաձեռնություններն էին (11-ը անհետաձգելի), 12-ը` ՀՀ ԱԺ պատգամավորներինը (11 օրինագիծ եւ 1 ՀՀ ԱԺ որոշման նախագիծ) եւ 4-ը պարտադիր եւ ըստ անհրաժեշտության քննարկվող հարցեր։

Նստաշրջանի օրակարգում ընդգրկված 120 հարցերից 103-ը օրենքների նախագծեր կամ նախագծերի փաթեթներ էին, որոնցից աշնանային նստաշրջանի եւ արտահերթ նիստերի ընթացքում քննարկվել եւ ամբողջությամբ ընդունվել են 37-ը (32-ը ՀՀ կառավարության նախաձեռնություններն էին, որոնցից 27-ը քննարկվեցին և ընդունվեցին 2-րդ ընթերցմամբ, իսկ 5-ը` 3-րդ ընթերցմամբ, 5-ը` ՀՀ ԱԺ պատգամավորներինը)։
ՀՀ ԱԺ պատգամավորների հեղինակած մեկ նախագիծ քննարկվեց, սակայն քվեարկություն չկազմակերպվեց։ ՀՀ կառավարության հեղինակած օրինագծերից 7-ը քննարկվեցին և ընդունվեցին 1-ին ընթերցմամբ, իսկ ՀՀ ԱԺ պատգամավորների հեղինակած օրինագծերից` 5-ը։

Ամբողջությամբ ընդունված 37 օրենքներից 5-ը «մայր» օրենքներ էին (5-ն էլ ՀՀ կառավարության նախաձեռնություններ), իսկ 32-ը` գործող օրենքներում փոփոխություններ եւ լրացումներ կատարելու մասին (27-ը` ՀՀ կառավարության, 5-ը` ՀՀ ԱԺ-ի պատգամավորներինը)։

Նստաշրջանի ընթացքում Ազգային ժողովը`

ա) քննարկեց և ընդունեց.

  • «2008 թվականի մարտի 1-2-ի Երևան քաղաքում տեղի ունեցած իրադարձությունների և դրանց պատճառների ուսումնասիրության ԱԺ ժամանակավոր հանձնաժողով ստեղծելու մասին» ՀՀ Աժ որոշման մեջ փոփոխություն կատարելու մասին» ՀՀ Աժ որոշումը,
  • Հայաստանի Հանրապետության 2009 թվականի պետական բյուջեի նախագիծը։


բ)լսեց.

  • ՀՀ նախագահի ուղերձը ժողովրդին և ՀՀ Ազգային ժողովին,
  • ՀՀ Ազգային ժողովի վերահսկիչ պալատի 2006 թվականի տարեկան հաշվետվությունը,
  • ՀՀ Ազգային ժողովի վերահսկիչ պալատի 2007 թվականի գործունեության տարեկան հաշվետվությունը,
  • ՀՀ դրամավարկային քաղաքականության ծրագիրը (գնաճի հաշվետվություն, 2008թ. առաջին եռամսյակ),
  • ՀՀ Հանրային հեռուստառադիոընկերության խորհրդի 2006 թվականի գործունեության վերաբերյալ հաղորդումը

գ)ընտրեց.
 

  • ՀՀ Ազգային ժողովի նախագահ,
  • ՀՀ Ազգային ժողովի գիտության, կրթության, մշակույթի, երիտասարդության և սպորտի հարցերի մշտական հանձնաժողովի նախագահ,ՀՀ Ազգային ժողովի սոցիալական հարցերի մշտական հանձնաժողովի նախագահ,
  • ՀՀ ԱԺ ժամանակավոր հաշվիչ հանձնաժողով,


դ) հաստատեց.

  • Հայաստանի Հանրապետության վերահսկիչ պալատի 2009 թվականի գործունեության տարեկան ծրագիրը.
  • Պետական գույքի մասնավորեցման 2006-2007 թվականների ծրագրի կատարման 2007 թվականի տարեկան հաշվետվությունը

Հայաստանի Հանրապետության Ազգային ժողովի նախագահ Տիգրան Թորոսյանը «ԱԺ կանոնակարգ» ՀՀ օրենքի 20-րդ հոդվածի 2-րդ մասի համաձայն իր հրաժարականի դիմումը ներկայացրեց նիստը վարող, ՀՀ Ազգային ժողովի փոխնախագահ Արևիկ Պետրոսյանին։

Նստաշրջանի ընթացքում վավերացվեցին 18 միջազգային պայմանագրեր, որոնցից 5-ը ֆինանսատնտեսական, 7-ը` պաշտպանության, ազգային անվտանգության եւ իրավական, 2-ը` մարզամշակութային, 3-ը բնապահպանական բնագավառներում համագործակցության մասին եւ այլն։

Նստաշրջանի ընթացքում 16 պատգամավոր գրավոր և 72 պատգամավոր բանավոր հարցերով դիմել են ՀՀ կառավարությանը։ «Հայ Հեղափոխական դաշնակցություն» խմբակցությունը հարցապնդումով դիմեց ՀՀ կառավարությանը, որին տրվել է գրավոր պատասխան, սակայն դրա քննարկումը նստաշրջանի ընթացքում չկազմակերպվեց, քանի որ «ԱԺ-ի կանոնակարգ» ՀՀ օրենքով նախատեսված կարգով խմբակցությունը նման ցանկություն չէր հայտնել։ 87 պատգամավոր հանդես են եկել հայտարարությամբ։

Հերթական եւ արտահերթ նստաշրջանների ընթացքում ընդունված օրինագծերից առավել արժանահիշատակ են.

1) «Պաշտպանության մասին» Հայաստանի Հանրապետության օրենքը,
2) «Փախստականների և ապաստանի մասին» Հայաստանի Հանրապետության օրենքը,
3) «Գյուղատնտեսության համատարած հաշվառման մասին» Հայաստանի Հանրապետության օրենքը,

ՀՀ Ազգային ժողովը քվեարկությամբ մերժեց.
1) ՀՀ Աժ պատգամավոր Ա. Մարտիրոսյանի «Ավելացված արժեքի հարկի մասին» Հայաստանի Հանրապետության օրենքում փոփոխություններ կատարելու մասին», «Հայաստանի Հանրապետության ընտրական օրենսգրքում փոփոխություններ և լրացումներ կատարելու մասին» և ՀՀ Աժ պատգամավոր Ստյոպա Սաֆարյանի օրենսդրական նախաձեռնության կարգով ներկայացրած «Ժողովներ, հանրահավաքներ, երթեր և ցույցեր անցկացնելու մասին» Հայաստանի Հանրապետության օրենքում փոփոխություններ և լրացումներ կատարելու մասին» ՀՀ օրենքների նախագծերը ՀՀ Աժ չորրորդ գումարման չորրորդ նստաշրջանի օրակարգում ընդգրկելու մասին հարցերը։
2. ՀՀ ԱԺ պատգամավոր Արմեն Մարտիրոսյանի ներկայացրած.
2.1 «Պատգամավոր Հակոբ Հակոբյանին որպես մեղադրյալ ներգրավելու և նրա նկատմամբ կալանքը որպես խափանման միջոց կիրառելու թույլատվություն տալու վերաբերյալ միջնորդության մասին» ՀՀ ԱԺ 04.03.2008թ. Ն-057-4 որոշումը ուժը կորցրած ճանաչելու մասին».
2.2 «Պատգամավոր Մյասնիկ Մալխասյանին որպես մեղադրյալ ներգրավելու և նրա նկատմամբ կալանքը որպես խափանման միջոց կիրառելու թույլատվություն տալու վերաբերյալ միջնորդության մասին» ՀՀ ԱԺ 04.03.2008թ. Ն-058-4 որոշումը ուժը կորցրած ճանաչելու մասին».
2.3 «Պատգամավոր Սասուն Միքայելյանին որպես մեղադրյալ ներգրավելու և նրա նկատմամբ կալանքը որպես խափանման միջոց կիրառելու թույլատվություն տալու վերաբերյալ միջնորդության մասին» ՀՀ ԱԺ 04.03.2008թ. Ն-059-4 որոշումը ուժը կորցրած ճանաչելու մասին».
2.4 «Պատգամավոր Խաչատուր Սուքիասյանին որպես մեղադրյալ ներգրավելու և նրա նկատմամբ կալանքը որպես խափանման միջոց կիրառելու թույլատվություն տալու վերաբերյալ միջնորդության մասին» ՀՀ ԱԺ 04.03.2008թ. Ն-060-4 որոշումը ուժը կորցրած ճանաչելու մասին» ՀՀ Աժ որոշման նախագծերը նստաշրջանի օրակարգ ընդգրկելու մասին հարցերը,
3. ՀՀ Աժ պատգամավոր Ստյոպա Սաֆարյանի ներկայացրած`
3.1 «Պատգամավոր Հակոբ Հակոբյանին որպես մեղադրյալ ներգրավելու և նրա նկատմամբ կալանքը որպես խափանման միջոց կիրառելու թույլատվություն տալու վերաբերյալ միջնորդության մասին» ՀՀ ԱԺ որոշման մեջ փոփոխություն կատարելու մասին»,
3.2 «Պատգամավոր Մյասնիկ Մալխասյանին որպես մեղադրյալ ներգրավելու և նրա նկատմամբ կալանքը որպես խափանման միջոց կիրառելու թույլատվություն տալու վերաբերյալ միջնորդության մասին» ՀՀ ԱԺ որոշման մեջ փոփոխություն կատարելու մասին»,
3.3 «Պատգամավոր Սասուն Միքայելյանին որպես մեղադրյալ ներգրավելու և նրա նկատմամբ կալանքը որպես խափանման միջոց կիրառելու թույլատվություն տալու վերաբերյալ միջնորդության մասին» ՀՀ ԱԺ որոշման մեջ փոփոխություն կատարելու մասին»,
3.4 «Պատգամավոր Խաչատուր Սուքիասյանին որպես մեղադրյալ ներգրավելու և նրա նկատմամբ կալանքը որպես խափանման միջոց կիրառելու թույլատվություն տալու վերաբերյալ միջնորդության մասին» ՀՀ ԱԺ որոշման մեջ փոփոխություն կատարելու մասին» ՀՀ Աժ որոշման նախագծերը ՀՀ Աժ չորրորդ գումարման չորրորդ նստաշրջանի օրակարգ ընդգրկելու մասին հարցերը։

 

Արխիվ →