Հայաստանի Հանրապետության Կառավարություն

«168 ժամի» մի քանի հրապարակումներից տեղեկանում ենք, որ «Դ!եմ եմ» քաղաքացիական նախաձեռնության այսօրվա հանրահավաքին «միացել են նաև ԱԺ ոչ իշխանական ուժերը» («Դ!եմ եմ»-ը՝ պարտադիր և կուտակային ընտրության առջև»), որ ԱԺ պատգամավոր Հրանտ Բագրատյանը մասնավորապես ուրախ է, որ շարժումը կայացել է, ինքը աջակիցներից մեկն է, քանի որ 2012թ. սեպտեմբերից խորհրդարանում ինքն սկսել է «դրա դեմ պայքարել» («Հայաստանը նեղ վիճակում է, և մեր՝ նման դիրքորոշումը հասկանալի է»), որ ի հավելումն վերոհիշյալի, «Դ!եմ եմ» նախաձեռնության մասնակիցների շրջանակում քննարկման առարկա է դարձել նոր՝ այլընտրանքային արհմիության ձևավորման գաղափարը» («Այլընտրանքային արհմիության ձևավորման հրամայականը»)։ Թեման խորհրդանշական վերնագրերի ներքո արծարծել են նաև «Հայոց աշխարհը» («Դեմ եմ»-ը Մայդան չէ, բայց «ամեն ինչ կամ ոչինչ» տարբերակն է գերադասում»), «Հրապարակը»՝ («Պետք է քննարկվի պարտադիր կամ ոչ պարտադիր ասպեկտը») և «ՀԺ»-ն, ըստ որի ոչ ավել ոչ պակաս՝ «Դ!եմ եմ»-ը դեմ է տալիս»։

Ջրի խնդիրը
«ՀԺ»-ն նախ վերահիշեցրել է նախորդ համարում արած մի հայտարարությունը, թե «Արարատյան դաշտում գործող ձկնաբուծական տնտեսությունների կողմից անխնա ջրառի արդյունքում Արարատյան արտեզյան ավազանն ամբողությամբ ցամաքելու եզրին է», ապա… հիշատակել ամենախոշոր ձնաբուծարանների սեփականատերերին։ «Հայոց աշխարհին» հետաքրքրել է Կարբի և Օհանավան համայնքների ոռոգման համակարգի վրա ՀԷԿ կառուցելու խնդրի առիթով առաջացած բնակիչների դժգոհությունը և հարցի կարգավորման ուղղությամբ կառավարության ձեռնարկումները («Գյուղացին կորոշի՝ ջուր տա՞ ՀԷԿ-ին»), «Ժողովուրդին»՝ մտահոգությունը, թե Կամենկա ջրագծի ապամոտնաժման պարագայում «Լոռու մարզի մոտ 10 համայնք կարող է մնալ առանց կենարար հեղուկի»։ «ՀՀ»-ն թեման արծարծել է «Ջրային ռեսուրսների կառավարման արդյունավետ համակարգ. դա հնարավոր է՝ շնորհիվ ռազմավարական ճիշտ մոտեցման» հոդվածում։

Այլևայլ
«168 ժամը» փոխանցել է Մեծ Բրիտանիայի դեսպանի տեսակետը «ուկրաինական ճգնաժամի» կարգավորման վերաբերյալ և, մի այլ հրապարակման մեջ, ռուս քաղաքագետ Սերգեյ Մարկեդոնովի դիտարկումները Լեռնային Ղարաբաղի հիմնախնդրի կարգավորման շուրջ։
«ՀԺ»-ն քննության է առել գազի որակի թեման «նոր երանգավորմամբ»՝ «Մեզ խաբում են 1,5 անգամ», «Ժամանակը»՝ Բյուջեից ՀԿ-ներին տրամադրվող ֆինանսական միջոցների արդյունավետ ծախսման խնդրականը։
«Ժառանգության» առաջնորդ Րաֆֆի Հովհաննիսյանի երեկվա մամուլի ասուլիսին անդրադարձել են «ՀԺ»-ն, «168 ժամը» և «Հրապարակը», ըստ որի կանխատեսման «ինչ-որ պահից «Ժառանգությունը» կարող է լքել «դեռևս նորմալ չձևավորված «հրաշալի քառյակը»» («ԲՀԿ-ն չի բացառում, որ կլինի նոր կառավարությունում»)։