Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

չորեքշաբթի, 7 նոյեմբերի 2018

Առաջին փոխվարչապետի պաշտոնակատար Արարատ Միրզոյանն ընդունել է ԱՄՆ Միջազգային զարգացման գործակալության (ԱՄՆ ՄԶԳ) Եվրոպայի և Եվրասիայի հարցերով փոխտնօրենի տեղակալ Ալեքսանդր Սոկոլովսկուն




Առաջին փոխվարչապետի պաշտոնակատար Արարատ Միրզոյանն այսօր ընդունել է ԱՄՆ Միջազգային զարգացման գործակալության (ԱՄՆ ՄԶԳ) Եվրոպայի և Եվրասիայի հարցերով փոխտնօրենի տեղակալ Ալեքսանդր Սոկոլովսկու գլխավորած պատվիրակությանը:

Պարոն Միրզոյանը կարևորել է Հայաստանի կառավարության համագործակցությունը ԱՄՆ ՄԶԳ հետ, որը 25 տարիների ընթացքում բազմաթիվ ծրագրեր է իրականացրել՝ ուղղված ՀՀ տնտեսական աճի ապահովմանը, ժողովրդավարական հաստատությունների ամրապնդմանը, մարդու իրավունքների պաշտպանությանը, կոռուպցիայի դեմ պայքարի իրականացմանը, կառավարման արդյունավետության բարձրացմանը:

Առաջին փոխվարչապետի պաշտոնակատարը նշել է, որ անցումային այս շրջանում կառավարությունը մեծածավալ բարեփոխումներ է նախաձեռնել գրեթե բոլոր ոլորտներում, և բարեփոխումների օրակարգին աջակցությունը ողջունելի է: Պարոն Միրզոյանը անդրադարձել է պետական կառավարման համակարգի բարեփոխումներին և արդյունավետության բարձրացմանը, արդարադատության համակարգի բարեփոխումներին, կոռուպցիայի դեմ պայքարին, տնտեսական, մաքսային և հարկային բարեփոխումներին, ներդրումային միջավայրի բարելավմանը, ինչպես նաև ընտրական համակարգի երկարաժամկետ աջակցության ծրագրին:

Զրուցակիցները կարևորել են ԱՄՆ – Հայաստան համագործակցությունն աջակցությունից փոխշահավետ առևտրային հարաբերությունների վերածելու երկկողմանի ջանքերը: ԱՄՆ ՄԶԳ փոխտնօրենի տեղակալ Ալեքսանդր Սոկոլովսկին վերահաստատել է ԱՄՆ ՄԶԳ աջակցությունը գալիք ընտրություններին, ինչպես նաև նշել Հայաստանին օժանդակելու հնարավորությունների ընդլայնման մասին: Պարոն Սոկոլովսկին հստակ ընդգծել է, որ իրենք կիսում են ՀՀ կառավարության՝ ժողովրդավարական Հայաստանի տեսլականը և պատրաստ են շարունակել աջակցությունը կառավարության բարեփոխումներին:
 

Դեկտեմբեր 2018
ԵրկԵրքՉրքՀնգՈւրՇբթԿրկ
 12
3456789
10111213141516
17181920212223
24252627282930
31 

-

Արխիվ