ուրբաթ, 23 ապրիլի 2004
Այսօր տեղի է ունեցել ՀՀ կառավարության բարեգործական ծրագրերի համակարգման հանձնաժողովի հերթական նիստը, որը վարել է հանձնաժողովի նախագահ Վ. Մովսիսյանը:
Հանձնաժողովը քննարկել է 2004-2007թթ. ընթացքում իրականացվելիք բարեգործական 7 ծրագիր: Մասնավորապես, քննարկվել և հաստատվել են՝
«Առաջինը երեխաներին» բարեգործական-հասարակական կազմակերպության կողմից իրականացվող «Անհոգ մանկություն» ծրագիրը, որի նպատակն է օժանդակել Հայաստանի Հանրապետության անապահով ընտանիքներին, մուրացիկ երեխաներին և թոշակառուներին, ինչպես նաև «Կենտրոն» համայնքի զոհված ազատամարտիկների ընտանիքներին։
Հայ ավետարանչական ընկերակցության կողմից իրականացվող երեք՝ «Բիոքիմիական անալիզատորի հատկացում Մոր և մանկան առողջության պահպանման կենտրոնին», ծրագիրը:
«Հայ դպրոց» հիմնադրամի կողմից 2004-2006թթ. իրականացվող ծրագիրը, որի նպատակն է դպրոցական գույքով ապահովել Հայաստանի բոլոր դպրոցները։
«Ակունք» հիմնադրամի կողմից իրականացվող «Գիտություն և կրթություն» ծրագիրը, որը նպատակ ունի Երևանի գիտական և կրթական հաստատություններում անվճար տարածել պրոֆեսոր Լ.Գ. Խաչերեանի գիրքը։
Նիստում քննարկվել և հաստատվել են տարբեր կազմակերպությունների հասցեներով ուղարկված բեռների ներմուծման ծրագրեր, ինչպես նաև նախկինում հաստատված ծրագրերի շրջանակներում իրականացվող հարակից գործարքներ և այլ հարցեր։
