Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

հինգշաբթի, 4 հոկտեմբերի 2012

Շվեյցարացի պատգամավորների հետ քննարկվել են հայ-շվեյցարական հարաբերությունների զարգացմանն առնչվող հարցեր





Վարչապետ Տիգրան Սարգսյանն ընդունել է Շվեյցարական Համադաշնության Դաշնային Ժողովի Շվեյցարիա-Հայաստան խորհրդարանական խմբի անդամներին: Հանդիպմանը ներկա է եղել նաև Հայաստանում Շվեյցարիայի արտակարգ և լիազոր դեսպան Կոնստանտին Օբոլենսկին:
Ողջունելով հյուրերին կառավարությունում Տիգրան Սարգսյանը նշել է. «Մենք կարևորում ենք հայ-շվեյցարական հարաբերությունների զարգացումը տարբեր բնագավառներում, այդ թվում տնտեսական: Երկու երկրների խորհրդարանականների հանձնաժողովը հնարավորություն է տալիս քննարկելու հայ-շվեյցարական համատեղ ծրագրերի իրականացմանն առնչվող հարցեր, ինչը շատ կարևոր է»,- ասել է Տիգրան Սարգսյանը:
Վարչապետը նշել է, որ Հայաստանում ներկայում գործում են շվեյցարական կապիտալով 40 ընկերություններ, որոնց թիվը չի համապատասխանում երկկողմ համագործակցության ներուժին:
Այդ համատեքստում, զրուցակիցները հետաքրքրական համարել են երկկողմ համագործակցությունը ֆինանսական, զբոսաշրջության բնագավառներում, քննարկել նաև երկու երկրների միջև ուղիղ ավիաչվերթերի հնարավոր կազմակերպմանն առնչվող հարցեր: Կառավարության ղեկավարը կարևորել է շվեյցարական զբոսաշրջային տուրօպերատորների հետ հնարավոր կապերի հաստատումը՝ Հայաստանի զբոսաշրջային գրավչությունը միջազգային ասպարեզում ներկայացնելու համատեքստում:
Շվեյցարացի պատգամավորները նշել են, որ իրենց նպատակն է ավելի սերտացնել հարաբերությունները Հայաստանի հետ, ակտիվացնել և ընդլայնել երկկողմ կապերը և նպաստել Հայոց ցեղասպանության միջազգային ճանաչմանը:
Տիգրան Սարգսյանն իր հերթին նշել է, որ հայ ժողովուրդը բարձր է գնահատում 2003 թվականին Շվեյցարիայի Ազգային խորհրդի կողմից Հայոց ցեղասպանության ճանաչման բանաձևի ընդունումը:
Հյուրերի հարցին ի պատասխան՝ վարչապետն անդրադառնալով հայ-թուրքական հարաբերությունների կարգավորմանը՝ հիշեցրել է, որ Թուրքիան չի պահպանել իր քաղաքական պարտավորվածությունը և չի վավերացրել երկկողմ հարաբերությունների կարգավորման արձանագրությունները: Տիգրան Սարգսյանի դիտարկմամբ՝ հենց Թուրքիան է վիժեցնում Հայաստանի հետ հարաբերությունների կարգավորման գործընթացը և եթե Թուրքիան վավերացնի արձանագրությունները, ապա Հայաստանը ևս դա կանի:
Հանդիպմանը զրուցակիցներն անդրադարձել են նաև Հայաստանի եվրաինտեգրման գործընթացներին և մեր երկրում իրականացվող բարեփոխումներին:

 

 

 

Ապրիլ 2020
ԵրկԵրքՉրքՀնգՈւրՇբթԿրկ
 12345
6789101112
13141516171819
20212223242526
27282930 

-

Արխիվ