Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

azdararir

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

երկուշաբթի, 1 հոկտեմբերի 2012

Կառավարությունում հյուրընկալվել էր Գերմանիայի Բունդեսթագի փոխնախագահը



Վարչապետ Տիգրան Սարգսյանն ընդունել է Գերմանիայի Դաշնային Հանրապետության Բունդեսթագի փոխնախագահ Վոլֆգանգ Թիրզեին:
Ողջունելով հյուրերին` հանրապետության վարչապետը նշել է. «Մենք կարևորում ենք Գերմանիայի Դաշնային Հանրապետության հետ հարաբերությունների զարգացումը: Ուրախ ենք, որ այցելել եք Երևան, ինչը մեզ հնարավորություն կտա քննարկել երկկողմ հետաքրքրություն ներկայացնող հարցեր և բացահայտել այնպիսի ուղղություններ, որտեղ կարող ենք խորացնել մեր հարաբերությունները»: Տիգրան Սարգսյանը գոհունակություն է հայտնել հայ-գերմանական 20-ամյա բազմաբնույթ համագործակցության ընթացքից: Նա ընդգծել է, որ Եվրամիության երկրների շարքում Գերմանիան Հայաստանի առաջին առևտրային գործընկերն է, որի ֆինանսական և տեխնիկական օժանդակությամբ իրականացվել են ամենամեծածավալ ծրագրերը` բնապահպանության, էներգետիկայի, կառավարման, ֆինանսական համակարգի և ենթակառուցվածքների ոլորտներում: Վարչապետ Սարգսյանն արդյունավետ է համարել համատեղ իրականացված ծրագրերը և շեշտել, որ գերմանական փորձն օրինակելի է մյուս երկրների համար` համատեղ աշխատանքն արդյունավետ կազմակերպելու առումով:
Վոլֆգանգ Թիրզեն շնորհակալություն է հայտնել ընդունելության համար և ընդգծել Հայաստան-Գերմանիա փոխհարաբերությունների խորացման ներուժի առկայությունը:
Զրուցակիցները քննարկել են երկկողմ գործակցության զարգացմանն առնչվող հարցերի լայն շրջանակ: Վարչապետը նշել է, որ Հայաստանը շահագրգռված է Գերմանիայի հետ առևտրատնտեսական կապերն ընդլայնելու հարցում` ողջունելով հանքահումքային արդյունաբերության ոլորտում երկկողմ արդյունավետ համագործակցությունը և Հայաստանում գերմանական տարբեր կազմակերպությունների գործունեությունը: Նա տեղեկացրել է, որ գերմանական «Commerzbank»-ի ղեկավարության հետ ձեռք բերված պայմանավորվածության համաձայն` այս տարի Ֆրանկֆուրտում անցկացվելու է համատեղ գործարար համաժողով` կոնկրետ ներդրողների հետ կոնկրետ բիզնես ծրագրեր քննարկելու նպատակով:
Անդրադառնալով Հայաստանի եվրոպական ինտեգրման հեռանկարներին` կառավարության ղեկավարը կարևորել է Խորը և համապարփակ ազատ առևտրի համաձայնագրի` որպես Ասոցացման համաձայնագրի կարևորագույն բաղադրիչի շուրջ Եվրամիության հետ բանակցությունների մեկնարկը և մանրամասներ ներկայացրել դրանց ընթացքի վերաբերյալ: Որպես առաջնահերթ արդյունք` վարչապետն առանձնացրել է սննդի անվտանգության, մտավոր սեփականության պաշտպանության, մաքսազերծման, ինչպես նաև մի շարք այլ ոլորտներում եվրոպական լավագույն չափանիշների ներդրումը, որոնք կնպաստեն տնտեսության կազմակերպման արդյունավետության բարձրացմանը: Խորը և համապարփակ ազատ առևտրի համաձայնագիրն, ըստ Տիգրան Սարգսյանի, կենսական նշանակություն ունի մեր երկրի տնտեսության համար, քանի որ հնարավորություն է տալու մուտք գործել եվրոպական շուկա: Նա բարձր է գնահատել Եվրոպական միության հետ բարձր մակարդակի քաղաքական երկխոսությունը:
Հանդիպման ընթացքում հյուրի խնդրանքով Տիգրան Սարգսյանն անդրադարձել է նաև տարածաշրջանային խնդիրներին և զարգացումներին:

 

Մարտ 2024
ԵրկԵրքՉրքՀնգՈւրՇբթԿրկ
 123
45678910
11121314151617
18192021222324
25262728293031

-

Արխիվ