շաբաթ, 20 մայիսի 2000
Այսօր «Ակումբ-65» նախկին քաղբանտարկյալներ հասարակական կազմակերպության անդամները հանդիպում են ունեցել ՀՀ վարչապետ Անդրանիկ Մարգարյանի հետ: Շնորհավորելով նորանշանակ վարչապետին, նրանք միաժամանակ իրենց մտահոգությունն են արտահայտել երկրում ստեղծված ներքաղաքական և սոցիալ-տնտեսական ծանր վիճակի վերաբերյալ և հույս հայտնել, որ վարչապետի հարցում նախագահի ընտրությունը բխում էր այդ խնդիրները լուծելու մտահոգությունից: Ակումբականները նաև հույս են հայտնել, որ նոր կառավարության ծրագիրը միտված կլինի երկրում կայունության հաստատմանը, տնտեսության հոզարցմանն ու մեր պետականության ամրապնդմանը, կբարձրանա ժողովրդի կենսամակարդակը, որից ի վերջո կշահի Հայաստանի քաղաքացին:
Վարչապետ Անդրանիկ Մարգարյանը, շնորհակալություն հայտնելով իր գաղափարակից ու զինակից ընկերներին՝ աջակցության համար, նշել է, որ առկա խնդիրները հնարավոր է լուծել միմիայն միասնական ջանքերով: Չբացառելով անհատի դերը և չխուսափելով իր վերցրած պատասխանատվության մեծ բեռից, վարչապետն ընդգծել է , որ համազգային դարձած այդ խնդիրները մեկ անհատ կամ մեկ քաղաքական ուժ ի զորու չէ միայնակ լուծել: Անհրաժեշտ է ուժերի համատեղում հանուն ընդհանուր նպատակի՝ կայուն և հզոր Հայաստանի:
