Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

երեքշաբթի, 27 մարտի 2012

Տիգրան Սարգսյանն ընդունել է ԱՄՀ հայաստանյան առաքելության ղեկավարին




Վարչապետ Տիգրան Սարգսյանն ընդունել է Արժույթի միջազգային հիմնադրամի (ԱՄՀ) հայաստանյան առաքելության ղեկավար Մարկ Հորթոնի գլխավորած պատվիրակությանը։ Հանդիպման ընթացքում զրուցակիցները քննարկել են ՀՀ տնտեսական քաղաքականության հիմնական ուղղությունները և տնտեսության զարգացման հեռանկարները:
Մարկ Հորթոնը վարչապետին է ներկայացրել ԱՄՀ-ի «Երկարաձգվող ֆինանսավորման» և «Երկարաձգվող վարկավորման» եռամյա ծրագրի ընթացքը և ԱՄՀ հայաստանյան առաքելության այցի արդյունքները՝ ծրագրի կատարողականի վերաբերյալ:
«Կարծում եմ՝ համատեղ գերազանց առաքելություն ենք իրականացրել, որովհետև կարողացել ենք իրագործել այն, ինչ մեր առջև սահմանել էինք: 2011թ.-ի վերջին արձանագրված արդյունքներով ծրագրի կատարողականը բարձր է, իսկ ՀՀ պետական բյուջեի արդյունքների առումով կատարողականը բացառիկ է: Սոցիալական ծախսերի հասցեականության բարձրացմանն ուղղված միջոցառումը ևս գերազանց է և ողջունելի: Հիշատակման է արժանի նաև պահուստների ապահովման չափորոշիչի կատարումը, որն ամբողջովին ապահովվել է»,- ասել է Մարկ Հորթոնը: Նա նշել է, որ ԱՄՀ-ն առաջիկայում պատրաստ է օժանադակություն ցուցաբարել Հայաստանին՝ հնարավոր մարտահրավերներին դիմագրավելու համար:
«Ուրախ ենք, որ ծրագրի կատարողականը բարձր է գնահատվում: Ապագա տարիների համար մեր հիմնական մակրոտնտեսական խնդիրն է լինելու մասնավոր ներդրումների ցուցանիշի բարելավումը, ինչին կնպաստի նաև արդյունաբերական նոր քաղաքականությունը»,- ասել է Տիգրան Սարգսյանը:
Մարկ Հորթոնը շնորհավորել է վարչապետին՝ 2012 թ.-ի համար նախատեսված հարկային հավակնոտ փաթեթն Ազգային Ժողովում հաստատելու կապակցությամբ: ԱՄՀ հայաստանյան առաքելության ղեկավարն ուրախալի է համարել պետական եկամուտների կոմիտեում վարչարարության պարզեցմանն ուղղված շարունակական բարեփոխումները: Մարկ Հորթոնը ողջունել է «Կանոնակարգիչ գիլյոտին» ծրագրի իրականացումը, ինչպես նաև կառավարության բարեփոխումները՝ սոցիալական ոլորտում, մասնավորապես, կենսաթոշակային համակարգում:
Այս առումով, Տիգրան Սարգսյանը նշել է, որ կենսաթոշակային բարեփոխումները հանդիսանում են կառավարության առաջնային ուղղություններից մեկը: Այդ համատեքստում, 2012 թ.-ի ընթացքում ներդրվելու է անհատական հաշվառման համակարգ և անցում է կատարավելու պարտադիր կուտակային հիմնադրամներին:
Զրուցակիցները քննարկել են նաև երկկողմ համագործակցությանն առնչվող հարցերի լայն շրջանակ:
 

Օգոստոս 2019
ԵրկԵրքՉրքՀնգՈւրՇբթԿրկ
 1234
567891011
12131415161718
19202122232425
262728293031 

-

Արխիվ