Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

չորեքշաբթի, 7 մարտի 2012

ՀՀ վարչապետի մրցանակներով կխրախուսվեն լավագույն կին գործարարները և գենդերային խնդիրների լուծման ուղղությամբ լավագույն համայնքապետերը




Կառավարությունում, վարչապետ Տիգրան Սարգսյանի գլխավորությամբ, տեղի է ունեցել վարչապետին կից կանանց հարցերով խորհրդի հերթական նիստը։
Մինչ օրակարգի հարցերին անդրադառնալը վարչապետը շնորհավորել է խորհրդի կին անդամներին. «Հայաստանի Հանրապետության կառավարության և անձամբ իմ անունից սրտանց ցանկանում եմ շնորհավորել ձեզ մարտի 8-ի առթիվ, մաղթել այնպիսի սեր, որը կփայփայի, կխնայի ձեզ և կերկարացնի ձեր կյանքը: Այսօր դուք մեր հասարակության ամենակարող ուժն եք, կանգնած եք տղամարդկանց կողքին, օգնում եք մեզ հաղթահարելու բոլոր դժվարությունները և այն հաջողությունները, որ ունի Հայաստանի Հանրապետությունը, մեծապես պայմանավորված են ձեզանով»:
Օրակարգի առաջին հարցով ՀՀ էկոնոմիկայի նախարարի առաջին տեղակալ Կարինե Մինասյանը զեկուցել է «Լավագույն կին-գործարար» ՀՀ վարչապետի մրցանակաբաշխության հայեցակարգի մասին: Նա նշել է, որ մեր երկրի տնտեսական զարգացման բնագավառում կանանց ձեռնարկատիրական նախաձեռնողականության խրախուսման, տնտեսության տարբեր ճյուղերում կին-գործարարների նվաճումների գնահատման, հանրահռչակման և սատարման նպատակով ՀՀ վարչապետի մրցանակաբաշխություն կանցկացվի 4` «Լավագույն կին-գործատու», «Լավագույն կին-նախաձեռնող», «Մարզի կին-բարեգործը» և «Կին-արտադրողի լավագույն ապրանքանիշը» ուղղություններով: Խորհուրդը հաստատել է ներկայացված հայեցակարգը, մրցույթի հայտարարման ժամկետ սահմանել 2012 թ. մարտի 12-ը: ՀՀ վարչապետի մրցանակների շնորհման արարողությունը տեղի կունենա 2012 թ. ապրիլի 5-ին:
Հաջորդիվ հավանության է արժանացել «Լավագույն համայնքապետ՝ գենդերային խնդիրների լուծման ուղղությամբ» ՀՀ վարչապետի մրցանակաբաշխության հայեցակարգը: ՀՀ տարածքային կառավարման նախարարի առաջին տեղակալ Վաչե Տերտերյանը մանրամասներ է ներկայացրել փաստաթղթի վերաբերյալ: Նշվել է, որ տեղական ինքնակառավարման բնագավառում գենդերային խնդիրների լուծմանն աջակցության և համայնքային մակարդակում որոշումների ընդունման հարցում կանանց դերի բարձրացման նպատակով ՀՀ վարչապետի մրցանակներ կշնորհվեն «Լավագույն քաղաքապետ՝ գենդերային խնդիրների լուծման ուղղությամբ» և «Լավագույն գյուղապետ՝ գենդերային խնդիրների լուծման ուղղությամբ» անվանակարգերում:
Նիստում հաստատվել են մրցութային երկու հանձնաժողովների կազմերը: Այնուհետև ծավալվել է մտքերի շահագրգիռ փոխանակություն, որի ընթացքում արծարծվել են տեղական և միջազգային կազմակերպությունների հետ համագործակցության հնարավորություններին, այլ մրցանակների տրամադրման առաջարկություններին և մրցանակների հանձնման արարողությունների ձևաչափին առնչվող հարցեր:
«Լավագույն կին-գործարար» և «Լավագույն համայնքապետ՝ գենդերային խնդիրների լուծման ուղղությամբ» ՀՀ վարչապետի մրցանակաբաշխությունների վերաբերյալ մանրամասն տեղեկատվությանը կարելի է ծանոթանալ ՀՀ կառավարության պաշտոնական կայքում` http://www.gov.am/am/councils/reports/5/:
 

Փետրվար 2020
ԵրկԵրքՉրքՀնգՈւրՇբթԿրկ
 12
3456789
10111213141516
17181920212223
242526272829 

-

Արխիվ