Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

azdararir

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

չորեքշաբթի, 30 նոյեմբերի 2011

Տեղի է ունեցել ՏՏԶԱԽ հերթական նիստը




Վարչապետ Տիգրան Սարգսյանի գլխավորությամբ կառավարությունում տեղի է ունեցել Տեղեկատվական տեխնոլոգիաների զարգացմանն աջակցող խորհրդի (ՏՏԶԱԽ) հերթական նիստը: Նախ ներկայացվել է ՏՏԶԱԽ նախորդ նիստում տրված հանձնարարականների կատարման ընթացքի մասին հաշվետվությունը:
Օրակարգային առաջին հարցով քննարկվել է ՀՀ մաքսային սահմանով անցնող համակարգչային որոշ ապրանքատեսակների նկատմամբ կիրառվող մաքսատուրքերի վերաբերյալ հարցը: Նշվել է, որ ՀՀ մաքսային օրենսգրքով նախատեսված նույն հատկություններով օժտված ապրանքների համար սահմանված են տարբեր դրույքաչափեր, ինչն էլ խնդիր է առաջացնում տնտեսվարողների մոտ ապրանքների ներմուծման ժամանակ: Առաջարկվել է նույն հատկություններով օժտված համակարգչային մի քանի ապրանքատեսակների համար նախատեսել մաքսատուրքի 0 տոկոս դրույքաչափ:
Այնուհետեև անդրադարձ է կատարվել միասնական Էլեկտրոնային համակարգերի ինտեգրմանը: Առաջարկվել է ՏՀՏ ոլորտի ապրանքների արտահանման, ներմուծման, տարանցիկ փոխադրման հետ կապված թույլատվությունները օպերատիվ և պատշաճ տրամադրելու համար Մաքսային էլեկտրոնային համարգին միացնել ՀՀ Էկոնոմիկայի և Պաշտպանության նախարարությունների, ինչպես նաև ՀՀ կենտրոնական բանկի էլեկտրոնային կառավարման համակարգերը: Նշվել է, որ այդ համակարգերի միավորման արդյունքում կապահովվի պետություն-մասնավոր հատված համագործակցության թափանցիկությունը, տնտեսվարողների և պետական մարմինների միջև փաստաթղթաշրջանառությունը կիրականացվի բացառապես էլեկտրոնային միջոցներով` կիրառելով էլեկտրոնային ստորագրությունը:
Վերը նշված երկու հարցերի կապակցությամբ վարչապետը հանձնարարել է քննարկումներ կազմակերպել շահագրգիռ մարմինների և գերատեչությունների միջև և ներկայացնել համապատասխան առաջարկություններ:
Անդրադարձ է կատարվել նաև Հայաստանում Վիկի նախագծերի զարգացմանը: Զեկուցվել է, որ Վիքիմեդիա հիմնադրամը համապատասխան աշխատանքներ է տանում՝ հայերեն Վիքիփեդիան նոր նյութերով հարստացնելու համար: Այս աշխատանքներով զբաղվող պատկան մարմիններին Տիգրան Սարգսյանը կոչ է արել համագործակցել ՀՀ էկոնոմիկայի նախարարության հետ՝ առկա խնդիրների լուծման համար:
Նիստի ընթացքում քննարկվել են նաև Եվրամիության TAIEX ծրագրով իրականացվող աշխատանքները՝ ուղղված շարժական կապի կազմակերպման համար վարձակալական հիմունքներով պետական և համայնքային հողերի, շենքերի և շինությունների օգտագործման դեպքում առաջացող խնդիրների լուծմանը:
 

Փետրվար 2024
ԵրկԵրքՉրքՀնգՈւրՇբթԿրկ
 1234
567891011
12131415161718
19202122232425
26272829 

-

Արխիվ