Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

azdararir

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

ուրբաթ, 30 սեպտեմբերի 2011

Վարչապետ Տիգրան Սարգսյանը շնորհավորել է Հայաստանի ամերիկյան համալսարանի ստեղծման 20-ամյակի առթիվ





Վարչապետ Տիգրան Սարգսյանն այսօր կրթության և գիտության նախարար Արմեն Աշոտյանի ուղեկցությամբ մասնակցել է Հայաստանի ամերիկյան համալսարանի 20-ամյակին նվիրված հանդիսավոր միջոցառմանը:
ՀՀ կառավարության անունից շնորհավորելով ներկաներին բուհի 20-րդ տարեդարձի առթիվ` վարչապետ Սարգսյանը մասնավորապես նշել է. «Այն, որ մենք մեր պետության անկախության 20-ամյակը համադրում ենք Հայաստանի ամերիկյան համալսարանի 20-ամյակի հետ, ունի հետևյալ խորհուրդը. ժամանակակից արագ փոփոխվող աշխարհում մեր անկախ պետականության ամրապնդման հիմնական գործիքը պետք է լինի գիտելիքը: Ուրախ եմ, որ այսօր Հայաստանի Հանրապետությունում ունենք Ամերիկյան համալսարան, որը 20 տարի մեզ հետ միասին փորձություններով է անցել և այսօր մշակում է իր զարգացման նոր արդիական ծրագիր: Ամերիկյան համալսարանը պետք է ընդլայնվի, նրա գործառույթները պետք է դառնան ավելի բազմազան, ծառայությունները պետք է հասանելի լինեն մեր երիտասարդների համար: Սա է ժամանակի պահանջը և այն խնդիրը, որ կառավարությունն այսօր դնում է Հայաստանի ամերիկյան համալսարանի առաջ: Գիտելիքն է ժամանակակից աշխարհի պահանջը, և մրցունակ են այն ազգերը, որոնք հասկանում են դա, զինվում են գիտելիքով և արտադրում նոր գիտելիք: Համոզված եմ, որ Ամերիկյան համալսարանը շարունակելու է այդ առաքելությունը Հայաստանի Հանրապետությունում»:
Վարչապետը գոհունակություն է հայտնել առ այն, որ Հայաստանի Ամերիկյան համալսարանն ունի Միացյալ Նահանգների արտոնագիր, ինչը վկայում է, որ այն այսօր գործընթացներն իրականացնում է ԱՄՆ-ում ընդունված չափանիշներին համապատասխան: Ընդգծելով, որ տարածաշրջանում Հայաստանի Ամերիկյան համալսարանի առկայությունը մեր երկրի հարաբերական առավելություններից է, կառավարության ղեկավարն ասել է. «Մենք պետք է լրացուցիչ ջանքեր գործադրենք համալսարանի գործառույթների ընդլայնման առումով` հասկանալով, որ ապագա մրցակցության մեջ մենք կարող ենք հաղթել` տաղանդաշատ երիտասարդներին կրթելով»:
Այնուհետև Տիգրան Սարգսյանը հանդիպել է համալսարանի պրոֆեսորադասախոսական կազմին և ուսանողներին: Վարչապետ Տիգրան Սարգսյանի որոշմամբ Հայաստանի Ամերիկյան համալսարանի հիմնադրման 20-ամյակի առթիվ և կրթության ու գիտության բնագավառներում ներդրած ակնառու ավանդի համար ՀՀ պետական ճարտարագիտական համալսարանի մեխանիկա-մեքենաշինական ֆակուլտետի պրոֆեսոր, «Հայաստանի ամերիկյան համալսարան» հիմնադրամի հոգաբարձուների խորհրդի անդամ Յուրի Սարգսյանը պարգևատրվել Հայաստանի Հանրապետության վարչապետի հուշամեդալով։

***
Հայաստանում ամերիկյան կրթական համակարգի օրինակով մագիստրոսի կոչում շնորհող համալսարանը հիմնադրվել է 1991 թ. սեպտեմբերի 21-ին՝ ՀՀ նախարարների խորհրդի որոշմամբ: Համալսարանի հիմնման նպատակն իրականացել է ՀՀ կառավարության և ԱՄՆ-ի երկու խոշոր հաստատությունների՝ Հայ բարեգործական ընդհանուր միության (ՀԲԸՄ) և Կալիֆոռնիայի համալսարանի աջակցությամբ: Վերջինս արժեքավոր փորձագիտական օգնություն է ցույց տվել համալսարանին՝ դասախոսական կադրերով ապահովման և համագործակցության ծրագրերի զարգացման հարցերում:
Համալսարանի հիմնադրման նպատակը տարածաշրջանում բարձրագույն կրթության ամերիկյան համակարգին և չափանիշներին համապատասխան կրթության և հետազոտական աշխատանքներ կատարելու հնարավորություն ստեղծելն է: Որպես բարձրագույն ուսումնական հաստատություն, Հայաստանի ամերիկյան համալսարանն իրականացնում է կրթական, հետազոտական ծրագրեր և ծառայություններ:

 

Մարտ 2024
ԵրկԵրքՉրքՀնգՈւրՇբթԿրկ
 123
45678910
11121314151617
18192021222324
25262728293031

-

Արխիվ