Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

հինգշաբթի, 15 սեպտեմբերի 2011

Քննարկվել են սահմանային անցակետերի վերակառուցմանը և արդիականացմանն առնչվող հարցեր




Վարչապետ Տիգրան Սարգսյանն այսօր ընդունել է ՄԱԿ-ի Զարգացման ծրագրի պատվիրակությանը` ՄԱԶԾ-ի հայաստանյան գրասենյակի մշտական ներկայացուցիչ Դաֆինա Գերչևայի գլխավորությամբ: Հանդիպմանը ներկա էր նաև ՀՀ-ում Եվրամիության պատվիրակության ղեկավար, Հայաստանում ԵՄ դեսպան Ռաուլ դե Լուցենբերգերը:
Ողջունելով հյուրերին` վարչապետը բարձր է գնահատել երկկողմ համագործակցության ընթացքը և կարևորել դրա շարունակականության ապահովումը:
Հանդիպման ժամանակ կողմերը քննարկել են Եվրամիության կողմից ֆինանսավորվող և ՄԱԶԾ-ի կողմից իրականացվող «Հարավային Կովկասում սահմանների համալիր կառավարում» ծրագրի մանրամասները, մասնավորապես, սահմանային անցակետերի վերակառուցման գործում ՄԱԶԾ-ի մասնակցության հնարավորությունը: Այդ համատեքստում արծարծվել են պետական սահմանի անցման կետերի վերակառուցման և արդիականացման ֆինանսավորմանն առնչվող հարցեր: Ընդգծվել է, որ Եվրոպական միության և մի շարք այլ կառույցների հետ ֆինանսավորման հարցի շուրջ բանակցությունների ծավալումը հնարավորություն կտա համագործակցել այդ ուղղությամբ: Նշենք, որ սեպտեմբերի 19-ին ՀՀ վարչապետի գլխավորած պատվիրակությունը կմեկնի Բրյուսել` ծրագրի ֆինանսավորման աղբյուրները և մեխանիզմները հստակեցնելու նպատակով:
Հիշյալ ծրագրով նախատեսվում է ՀՀ «Բագրատաշեն», «Բավրա» և «Գոգավան» պետական սահմանի անցման կետերի արդիականացում: Այդ նպատակով մրցութային փաթեթների մշակումը հանձնարարվել էր լատվիական խորհրդատվական ընկերությանը: Այն նպատակ ունի ամրապնդել և ընդլայնել համագործակցությունը Հարավային Կովկասի, ԵՄ անդամ-պետությունների ու միջազգային հանրության շահագրգիռ այլ կողմերի միջև, ինչպես նաև խթանել անձանց և ապրանքների միջսահմանային շարժը:
Անդրադառնալով ծրագրի իրականացմանը ՄԱԶԾ-ի հնարավոր մասնակցության հարցին` վարչապետ Սարգսյանն անհրաժեշտ է համարել շարունակել փոխգործակցությունը` աշխատանքային խմբերի մակարդակով արձանագրված իրավական և տեխնիկական խնդիրները քննարկելու համար:
 

Դեկտեմբեր 2019
ԵրկԵրքՉրքՀնգՈւրՇբթԿրկ
 1
2345678
9101112131415
16171819202122
23242526272829
3031 

-

Արխիվ