Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

չորեքշաբթի, 3 դեկտեմբերի 2003

Այսօր ՀՀ վարչապետ Անդրանիկ Մարգարյանն ընդունել է Հայաստանում Ռումինիայի նորանշանակ և լիազոր դեսպան Նիկուլաե Իորդակեին: Շնորհավորելով դեսպանին մեր երկրում իր դիվանագիտական առաքելությունն սկսելու կապակցությամբ, վարչապետը հույս է հայտնել, որ նրա գործունեությունը կնպաստի երկու երկրների միջև բարեկամական երկխոսության շարունակմանը: Դրա համար, ըստ նրա, կան և՛ հնարավորություններ, և՛ ցանկություն ու բավարար ներուժ: Դեսպան Նիկուլաե Իորդակեն ևս հավաստել է Հայաստանի հետ երկկողմ կապերի առավել սերտացման իր երկրի կառավարության պատրաստակամությունը: Նշելով, որ թե քաղաքական և թե տնտեսական բնագավառներում համագործակցության համար նոր հնարավորություններ են ստեղծվել այս տարվա նոյեմբերին ՀՀ նախագահի Ռումինիա կատարած պետական այցից հետո, նա հույս է հայտնել, որ գործակցությունը երկու երկրների միջև նոր թափով կշարունակվի նաև վարչապետների, կառավարությունների մակարդակով: Անդրադառնալով տնտեսական կապերին, կողմերն ընդգծել են, որ երկու երկրների միջև ապրանքաշրջանառության ծավալները չեն համապատասխանում առկա հնարավորություններին: Այդ կապերի առավել խորացման համար նրանք կարևորել են, մասնավորապես, հայ-ռումինական խառը տնտեսական հանձնաժողովի 2004թ. գարնանը նախատեսվող նիստի անցկացումը, որտեղ որոշակի ծրագրեր կմշակվեն տնտեսական տարբեր ոլորտներում համագործակցության առավել գործնական քայլեր իրագործելու նպատակով: Կողմերը մտքեր են փոխանակել նաև հարավ-կովկասյան և սևծովյան տարածաշրջանային ծրագրերի շրջանակներում համագործակցության շուրջ: Դեսպան Նիկուլաե Իորդակեն նշել է, որ Ռումինիան շահագրգռված է տրանսպորտային նոր միջանցքների գործարկման, երկու երկրների միջև բեռնափոխադրումների ծավալների մեծացման խնդրում փոխշահավետ գործակցությամբ: Անդրանիկ Մարգարյանը ևս ընդգծել է նման կապերի խորացման կարևորությունը եվրոպական ընտանիքին, եվրոպական տնտեսությանը ինտեգրման ուղին ընտրած մեր երկրի համար, նկատի ունենալով, որ 2007թ. Ռումինիան դառնալու է Եվրամիության անդամ: Հանդիպման ժամանակ անդրադարձ է եղել նաև Հարավային Կովկասում ընթացող զարգացումներին, երկուստեք կարևորվել է կայունության և անվտանգության հաստատումը տարածաշրջանում:
Ապրիլ 2021
ԵրկԵրքՉրքՀնգՈւրՇբթԿրկ
 1234
567891011
12131415161718
19202122232425
2627282930 

-

Արխիվ