Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

չորեքշաբթի, 31 օգոստոսի 2011

Կառավարության ղեկավարն այցելել է Լոռու և Գեղարքունիքի մարզեր





Վարչապետ Տիգրան Սարգսյանն այսօր այցելել է Լոռու և Գեղարքունիքի մարզեր: Նոր ուսումնական տարվա նախօրեին վարչապետը Վանաձորում ներկա է եղել «Լինսի» հիմնադրամի «Դպրոցաշինություն» ծրագրի շրջանակներում վերակառուցված Ստեփան Զորյանի անվան թիվ 22 միջնակարգ դպրոցի բացման արարողությանը: Տիգրան Սարգսյանը շրջել է ուսումնական հաստատությունում՝ ծանոթացել վերակառուցումից հետո ստեղծված պայմաններին:
Ստեփան Զորյանի անվան դպրոց հաճախող աշակերտների թիվը ներկայում հասնում է 192-ի, սակայն այն հնարավորություն ունի ընդունելու 360 աշակերտ: Դպրոցի վերակառուցման նպատակով ներդրվել է 467 մլն դրամ: Ուսումնական հաստատությունն ունի մարզական և հանդիսությունների դահլիճներ, նոր կաթսայատուն, լուսավորության, օդափոխության, հակահրդեհային, տեսահսկման և կենտրոնացված զանգի ժամացույցային համակարգեր: Այն ամբողջովին կահավորվել է, համալրվել կրթական և մարզական գույքով, ինչպես նաև համակարգիչներով:
Կառավարության ղեկավարը, շնորհավորելով դպրոցի աշակերտներին՝ կրթական հաստատության բացման և նոր ուսումնական տարվա մեկնարկի կապակցությամբ, նշել է, որ դպրոցաշինությունը եղել և մնում է կառավարության  առաջնահերթ ծրագրերի թվում. «Ձգտելու ենք անել հնարավորը, որպեսզի մեր երեխաները մշտապես կրթություն ստանան նման լավ պայմաններ ունեցող դպրոցներում», - ասել է Տիգրան Սարգսյանը:
Այնուհետև գործադիրի ղեկավարն այցելել է Գեղարքունիքի մարզի Լճաշեն գյուղի մերձակա մշակովի հողատարածքներ: Այստեղ շուրջ 50 հեկտար տարածքի վրա իրականացվում է ճակնդեղի, կաղամբի, գազարի և ցորենի մշակություն: Գյուղացիները կառավարության ղեկավարին են ներկայացրել գյուղանտեսական աշխատանքների արդյունքները, որոնք, ըստ նրանց, սպասվածից ավելին են:
Մասնավորապես, կառավարության գյուղատնտեսական պետական ծրագրի շրջանակներում հատկացված 6 տոննա ցորենի էլիտար սերմացուի մշակությունից 20 հեկտար տարածքի վրա ստացվել է շուրջ 100 տոննա բարձրակարգ ցորեն: Ըստ գյուղացիական տնտեսությունների ներկայացուցիչների՝ նախկինում ցորենի նման մեծաքանակ բերք այս տարածաշրջանում երբեք չի արձանագրվել: Գյուղացիները նշել են, որ մեկ հեկտար տարածքից ստացվել է միջինը 6 տ ցորենի բերք` նախկին 4 տ փոխարեն:
Ի դեպ, վերը նշված ցանքատարածքներում օգտագործվել է Հայաստանում արտադրված օրգանական պարարտանյութ:
Տիգրան Սարգսյանը զրուցել է գյուղացիների հետ, ծանոթացել նրանց խնդիրներին և պատասխանել հետաքրքրող հարցերին:

 

 

Ապրիլ 2020
ԵրկԵրքՉրքՀնգՈւրՇբթԿրկ
 12345
6789101112
13141516171819
20212223242526
27282930 

-

Արխիվ