Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

շաբաթ, 13 օգոստոսի 2011

Տիգրան Սարգսյան. «Համահայկական խաղերը մեր միասնության իրական ապացույցն ու դրսևորումն են»




Երևանի Վազգեն Սարգսյանի անվան «Հանրապետական» մարզադաշտում այսօր տեղի է ունեցել Համահայկական 5-րդ խաղերի բացման հանդիսավոր արարողությունը: Միջոցառմանը ներկա են եղել վարչապետ Տիգրան Սարգսյանը, Լեռնային Ղարաբաղի Հանրապետության նախագահ Բակո Սահակյանը, Համահայկական խաղերի համաշխարհային կոմիտեի նախագահ Իշխան Զաքարյանը, պաշտոնատար այլ անձինք:
Ողջունելով 5-րդ համահայկական խաղերի մասնակիցներին և մեր բոլոր հայրենակիցներին` Տիգրան Սարգսյանը նշել է. «Համահայկական խաղերի անցկացումը մեր ժողովրդի համար վերածվել է իսկական տոնախմբության, քանզի Համահայկական խաղերը մեզ սովորեցնում են միասին տոնել հաղթանակներ: Առաջիկա օրերին ողջ հայությունն ուշադրությամբ հետևելու է ձեր մրցելույթներին ու ձեր հաջողություններով ուրախանալու են բոլորը: Այս առումով, Համահայկական խաղերն այն եզակի մրցաշարերից են, որտեղ չկան պարտվողներ ու հետնապահներ, քանի որ այս խաղերը մեր միասնության իրական ապացույցն ու դրսևորումն են»:
Ըստ վարչապետի` խորհրդանշական է, որ Համահայկական խաղերն անցկացվում են Հայաստանի և Արցախի անկախության 20-րդ տարեդարձի նախաշեմին՝ մայր Հայրենիքում մեկտեղելով մեր ժողովրդի հազարավոր զավակների:
«Ինձ հաճախ հարցնում են, թե ո ՞րն է Հայկական աշխարհը: Ահա այն: Այն ձեր առջև է: Ավստրալիայից մինչև Կանադա, Հարավային Ամերիկայից մինչև Մերձավոր Արևելք: Այստեղ է մեկտեղված Հայկական աշխարհը՝ միավորված մեկ ինքնությամբ ու հաղթանակի հասնելու նպատակով»,- նշել է կառավարության ղեկավարը` համոզմունք հայտնելով, որ համահայկական խաղերն այդ ինքնությունն ամրացնելու ու նորոգելու ամենագործուն միջոցներից մեկն են:
Ըստ վարչապետի` մեր ինքնությունն է, որ 12 տարի առաջ մեկնարկած առաջին համահայկական խաղերից մինչ օրս սփյուռքահայերին բերում է Հայաստան: «Հարգելի մարզիկներ, Ձեզնից յուրաքանչյուրն ուժեղ է, բայց միասին դուք անպարտելի եք: Ձեզնից յուրաքանչյուրի նպատակը հաղթանակն է, սակայն Համահայկական խաղերից առաջ պատասխանեք այն հարցին, թե ինչ է հաղթանակը: Իմ համոզմամբ, մեր հաղթանակը մեր միասնականությունն է, երբ մենք միասնական ենք մեզ հնարավոր չէ հաղթել»,- նշել է Տիգրան Սարգսյանը: Գործադիրի ղեկավարը համոզմունք է հայտնել, որ համահայկական խաղերի ավարտին մարզիկներն ունենալու են մարզական նվաճումներից շատ ավելի կարևոր ձեռքբերումներ: Վարչապետը խաղերի մասնակիցներին մաղթել է նորանոր հաջողություններ ու ամենայն բարիք:
Համահայկական խաղերին մասնակցում են 30 երկրների 125 քաղաքների շուրջ 3200 մարզիկներ: Վերջիներս կմասնակցեն 10 մարզաձեւերի՝ ֆուտբոլ, բասկետբոլ, շախմատ, ֆուտզալ, վոլեյբոլ, լող, աթլետիկա, բադմինտոն, թենիս, սեղանի թենիս, մրցումներին: Խաղերը կանցկացվեն Երեւանում, Աբովյանում և Արտաշատում մինչև օգոստոսի 21-ը:
 

Մարտ 2020
ԵրկԵրքՉրքՀնգՈւրՇբթԿրկ
 1
2345678
9101112131415
16171819202122
23242526272829
3031 

-

Արխիվ