Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

հինգշաբթի, 19 մայիսի 2011

Տիգրան Սարգսյան. «Բելառուսի հետ կան շատ բարձր մակարդակի քաղաքական հարաբերություններ»





Այսօր Բելառուսի Հանրապետության մայրաքաղաք Մինսկում բացվել է Անկախ պետությունների համագործակցության (ԱՊՀ) անդամ-պետությունների կառավարությունների ղեկավարների խորհրդի նիստը, որին մասնակցում է ՀՀ վարչապետ Տիգրան Սարգսյանի գլխավորած պատվիրակությունը: Այն մեկնարկել է կառավարությունների ղեկավարների արարողակարգային լուսանկարահանմամբ: Նեղ կազմով նիստին հաջորդել է պատվիրակությունների ընդլայնված ձևաչափով հանդիպումը:
Անկախ պետությունների համագործակցության անդամ-երկրների կառավարությունների ղեկավարների խորհրդի նիստում արծարծված կարևորագույն հարցերից էր Ազատ առևտրի գոտու պայմանագրի նախագիծը: ՀՀ վարչապետ Տիգրան Սարգսյանը նիստի ավարտին լրագրողներին տեղեկացրել է, որ բոլոր երկրների ներկայացուցիչները ներկայացրել են իրենց կառավարությունների տեսակետները, թե ինչ խնդիրներ են առկա, որոնք են ենթակա մասնագիտական մակարդակով քննարկման: Հիմնականում փաստաթուղթն ընդունվել է որպես հիմք, նշվել է, որ դրա գաղափարախոսությունն ընդունելի է բոլոր կառավարությունների համար, բայց տեխնիկական մակարդակով պետք է քննարկվեն մաքսային տուրքերի, մաքսային վճարների սահմանափակումների խնդիրները:
Տիգրան Սարգսյանի խոսքով` որոշում է կայացվել, որ փաստաթուղթը հիմք ընդունելով` փոխվարչապետերի մակարդակով կլինի ևս մեկ հանդիպում, որպեսզի բոլոր խնդիրներին, վիճահարույց հարցերին լուծումներ գտնվեն: «Հայաստանն այս պահի դրությամբ որևէ վիճահարույց հարց չունի այդ փաստաթղթի հետ կապված, և մենք պատրաստ էինք այն ստորագրել նույնիսկ այսօր, բայց քանի որ փաստաթուղթը պետք է ընդունվի կոնսենսուսով, մի խումբ երկրներ առաջարկեցին, որ լրացուցիչ քննարկվի և հաջորդ` հոկտեմբերյան հանդիպմանը, որ տեղի կունենա Սանկտ-Պետերբուրգում, ստորագրվի վերջնական տեքստով»,- նշել է ՀՀ կառավարության ղեկավարը:
Գնահատելով Բելառուս կատարած պաշտոնական այցի արդյունքները` ՀՀ վարչապետը կարևորել է ունեցած հանդիպումները: «Երկկողմ հարաբերությունների զարգացման տեսանկյունից մանրակրկիտ քննարկվեցին բոլոր այն խնդիրները, որոնք մեզ հետաքրքրում էին: Մասնավորապես, խոսքը գնում է գյուղտեխնիկայի մասին` ինչպես գյուղտեխնիկայի մատակարարման, այնպես էլ Հայաստանում գործարանի կառուցման, որը կարող է բելառուսական գյուղտեխնիկայի հիմք հանդիսանալ»,- նշել է ՀՀ վարչապետը: Այդ տեսակետից անհրաժեշտ էր իմանալ և՛ Բելառուսի նախագահի, և՛ վարչապետի կարծիքը, թե ինչպիսի քաղաքականություն են իրենք այդ առումով իրականացնում: «Այստեղ հստակ եղավ նրանց քաղաքական դիրքորոշումը, և աշխատանքներն այս առումով շարունակվելու են: Նույնը վերաբերում է նաև ավտոբուսների մատակարարմանը`մեր քաղաքային տնտեսությունն արդիականացնելու տեսակետից: Քանի որ նրանք արտադրում են ժամանակակից ավտոբուսներ, անհրաժեշտություն կար քննարկել որակակական հատկանիշները, գնային առանձնահատկությունները»,- պարզաբանել է Տիգրան Սարգսյանը: Այս առումով ՀՀ էկոնոմիկայի նախարար Տիգրան Դավթյանի հանդիպումը խոշոր գործարանների տնօրենների հետ հնարավորություն է տվել ավելի հստակ պատկերացումներ կազմել համագործակցության հնարավոր ուղղությունների վերաբերյալ:
«Երրորդ ուղղությունը զբոսաշրջությունն էր: Պետք է կարողանալ Բելառուսից զբոսաշրջիկներ բերել Հայաստան: Պայմանավորվեցինք, որ տուրօպերատորների միջև հաստատվեն կապեր»,- տեղեկացրել է ՀՀ վարչապետը:
Խոսվել է նաև Հայաստանի Հանրապետությունից գյուղատնտեսական ապրանքների մատակարարման մասին, որոնց նկատմամբ կա մեծ հետաքրքրություն: «Հետաքրքրություն կա նաև սննդարդյունաբերության բնագավառում մեր արտադրանքի նկատմամբ: Կարևոր էր, որ խոսակցությունը շատ կոնկրետ, առարկայական էր գնում` ըստ ապրանքատեսակների, ծառայությունների: Կան շատ բարձր մակարդակի քաղաքական հարաբերություններ, և անհրաժեշտ է համագործակցության տնտեսական ներուժն ամբողջությամբ իրացնել: Այդ տեսակետից կայացավ մեր առաջին հանդիպումը Բելառուսի Հանրապետության նորանշանակ վարչապետի հետ: Ձևավորվեցին ջերմ մարդկային հարաբերություններ, ինչը նույնպես կարևոր է, որ այս բոլոր խնդիրները լուծվեն»,- ընդգծել է ՀՀ վարչապետ Տիգրան Սարգսյանը:
Մինսկում այսօր գումարվել է նաև Եվրասիական տնտեսական ընկերակցության (ԵվրԱզԷՍ) միջպետական խորհրդի 30-րդ նիստը: Հայաստանը ԵվրԱզԷՍ-ում դիտորդի կարգավիճակ ունի:
 

Ապրիլ 2020
ԵրկԵրքՉրքՀնգՈւրՇբթԿրկ
 12345
6789101112
13141516171819
20212223242526
27282930 

-

Արխիվ