Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

azdararir

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

երեքշաբթի, 12 ապրիլի 2011

Երևանում մեկնարկել է հայ-չինական գործարար համաժողովը





Վարչապետ Տիգրան Սարգսյանն ու Չինաստանի Կոմունիստական կուսակցության կենտրոնական կոմիտեի քաղաքական բյուրոյի մշտական անդամ Լի Չանչունն այսօր մասնակցել են Երևանում մեկնարկած հայ-չինական գործարար համաժողովի բացմանը:
Ողջունելով հյուրերին` ՀՀ կառավարության ղեկավարը կարևորեց գործարար համաժողովի անցկացումը, որը կնպաստի Հայաստանի և Չինաստանի միջև տնտեսական հարաբերությունների հետագա խորացմանը. «Հայաստանը շահագրգռված է Չինաստանի հետ, առանց բացառության, բոլոր ոլորտներում համագործակցության զարգացմամբ: Վերջին տարիների ակտիվ շփումները բացահայտել են համագործակցության մի շարք առաջնային ուղղություններ: Այդպիսիք են հանքարդյունաբերությունը, քիմիական արդյունաբերությունը, որտեղ, ինչպես գիտեք, զգալի ձեռքբերումներ կան: Մենք հպարտանում ենք հայ-չինական «Շանսի-Նաիրիտ» ընկերությամբ, որը բացվել է անցած տարվա գարնանը` դառնալով համատեղ ծրագրերի իրականացման առաջամարտիկը: Առաջնային են համարվում տուրիզմը, ենթակառուցվածքները, գյուղատնտեսությունը, բարձր տեխնոլոգիաները: Մենք նաև հետաքրքրված ենք կրթության և գիտության ոլորտներով և բաց ենք մշակութային լայն փոխգործակցության համար»:
ՉԺՀ ԿԿ կենտրոնական կոմիտեի քաղաքական բյուրոյի մշտական անդամ Լի Չանչունը նշեց, որ Հայաստանն ու Չինաստանը կարողացան դիմակայել համաշխարհային ֆինանսատնտեսական ճգնաժամին և իրականացնել բոլոր ծրագրերը. «Հայաստանն ապացուցում է, որ ունի տնտեսական մեծ ներուժ արտահանման ծավալները մեծացնելու և նոր ծրագրեր իրականացնելու համար: Չինաստանն ունի մեծ շուկա, Հայաստանը` որակյալ արտադրանք: Չնայած դրան` Հայաստանից մեր երկիր արտահանման ծավալները շատ փոքր են: Երեկ ես համտեսեցի անկրկնելի համ ունեցող «Արարատ» կոնյակը, որը, ցավոք, Չինաստանում չկա: Հայ գործարարներին առաջարկում եմ պարբերաբար այցելել Չինաստան, գովազդել իրենց արտադրանքը, համագործակցել չին գործընկերների հետ և մուտք գործել չինական շուկա»:
Համաժողովի բացման արարողությունից հետո Տիգրան Սարգսյանն ու Լի Չանչունը մասնակցեցին հայկական «Իմպուլս» և Չինաստանի ազգային ռադիոկայանների համատեղ ծրագրի մեկնարկն ազդարարող միջոցառմանը:
Երկկողմ առևտրատնտեսական հարաբերությունների զարգացման նպատակով ՀՀ էկոնոմիկայի նախարարության ու Զարգացման հայկական գործակալության կողմից կազմակերպված համաժողովին մասնակցում են չինաստանյան 22 ընկերությունների ներկայացուցիչներ, որոնք ներկայացնում են բանկային, մեքենաշինության, հեռահաղորդակցության, սարքաշինության, էներգետիկայի, հանքահումքային արդյունաբերության, զբոսաշրջության և այլ ոլորտներ: Նշենք, որ Հայաստանում գրանցված է չինական կապիտալի մասնակցությամբ 41 ընկերություն:

Մարտ 2024
ԵրկԵրքՉրքՀնգՈւրՇբթԿրկ
 123
45678910
11121314151617
18192021222324
25262728293031

-

Արխիվ