Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

ուրբաթ, 18 մարտի 2011

Բրյուսելյան այցի արդյունքները. Տիգրան Սարգսյանի խոսքը ՀՀ կառավարության նիստում


Այսօրվա կառավարության նիստը ես ուզում եմ սկսել` տեղեկացնելով ձեզ բրյուսելյան այցելության արդյունքներին: Առաջին հերթին ուզում եմ նշել, որ մենք ունենք լիակատար և բազմակողմանի աջակցություն Եվրամիության բոլոր կառույցների կողմից, և դուք հեռուստատեսությամբ հետևում էիք այն հանդիպումներին, որ տեղի ունեցան Եվրամիության ղեկավարների հետ: Բոլոր մակարդակներում մենք ստացել ենք հավաստիացում, որ բարեփոխումների այն ծրագիրը, որ իրականացնում է մեր կառավարությունը, ստանալու է լիակատար և բազմակողմանի աջակցություն, ինչը, բնականաբար, լրջագույն հնարավորություն է տալու կառավարությանը 2011թ. նոր թափ հաղորդել բարեփոխումներին:
Երկրորդ, մեզ առաջարկվում է բազմազան գործիքակազմ` օգտվելու Եվրամիության օժանդակությունից: Դա նշանակում է, որ էապես պետք է ակտիվացնել բոլոր գերատեսչությունների համագործակցությունը Եվրամիության համապատասխան կառույցների հետ: Դա նշանակում է, որ մեր նախարարներն առաջին հերթին պետք է ուղղակի կապերի մեջ լինեն իրենց գործընկերների հետ Բրյուսելում և այդ կապերն օգտագործեն ի նպաստ այն բանի, որ մի կողմից մեզ համար հասանելի լինեն այդ գործիքները, մյուս կողմից ավելի ճշգրիտ ներկայացվեն այն խնդիրները և առաջնահերթությունները, որ ծառացած են մեր գերատեսչությունների առջև: Բոլոր հանձնակատարների հետ հանդիպումների ժամանակ մենք ամրագրել ենք, որ այդ հնարավորությունները Հայաստանի համար այսօր հասանելի են և անհրաժեշտ է, որպեսզի մեր գերատեսչությունները ակտիվություն դրսևորեն այդ առումով: Հաջորդ շաբաթ մենք խոհրդակցություն ենք անցկացնելու և կխնդրեի, որպեսզի բոլոր գերատեսչությունների ղեկավարները պատրաստվեն այդ խորհրդակցությանը, մասնավորապես` Եվրամիության հետ համագործակցության տեսակետից ինչ ծրագրեր ենք մենք սկսել, ինչ պարտավորություններ ենք ստանձնել և ինչ անելիքներ ու լրացուցիչ խնդիրներ ունենք, որ պետք է լուծենք, որպեսզի հստակ ձևակերպումներով և մեր ակնկալիք օժանդակության վերաբերյալ հստակ նախագծերով կարողանանք ներկայանալ Բրյուսել, որպեսզի ստանանք այն օժանդակությունը, որ Եվրամիության կառույցները կարող են մեզ տրամադրել:
Բնականաբար, այսպիսի մոտեցումները և վերաբերմունքը մեզ ոգևորում են այն առումով, որ այդ ամենը մեզ լրացուցիչ լիցք է փոխանցելու նոր թափ հաղորդել բարեփոխումներին, ընդ որում, առաջնային պետք է լինեն այն բարեփոխումները, որոնք իրենց արդյունքներով մեր քաղաքացիների համար ստեղծելու են ավելի բարձր կենսամակարդակ ապահովելու հնարավորություններ, որպեսզի մեր քաղաքացիները զգան այդ բարեփոխումների արդյունքները: Սա առաջին:
Երկրորդ խնդիրը երկկողմանի հարաբերություններն են: Մեր հանդիպումները Բելգիայի վարչապետի, Սենատի ղեկավարի և խորհրդարանի նախագահի հետ վկայում են, որ կա բավականին մեծ ներուժ երկկողմ հարաբերությունները խորացնելու և ընդլայնելու առումով և այստեղ էլ ձեռք բերված պայմանավորվածությունների համաձայն կկարողանանք նոր թափ հաղորդել երկկողմանի հարաբերություններին:
Երրորդ խնդիրը կապված է Ճապոնիայի ողբերգական իրադարձությունների հետ. հասկանալի է, որ միջազգային հանրության ուշադրության կենտրոնում է ատոմակայանների անվտանգության խնդիրը: Բոլոր երկրներում, որտեղ կան ատոմակայաններ, կառավարությունները կազմակերպում են լրացուցիչ քննարկումներ, հաշվի առնելով Ճապոնիայում ստեղծված իրավիճակը` ինչ ռիսկեր են առկա այդ բնագավառում և ինչ լրացուցիչ միջոցառումներ պետք է իրականացնել անվտանգության մակարդակը բարձրացնելու համար: Կարծում եմ, այդպիսի քննարկումներ մենք նույնպես կծավալենք, հաշվի առնելով նաև Ճապոնիայի այն խնդիրները, որոնք այսօր առաջացել են: Ըստ էության առաջին եզրահանգումն այն է, որ եթե մի քանի հանգամանքներ համընկնում են, ապա այդ դեպքում է, որ առաջանում են լուրջ ռիսկեր: Ճապոնիայի դեպքում երկրաշարժի հարվածները ամենևին չեն վնասել ատոմակայանին, այլ հիմնական խնդիրը առաջացել է այն բանից հետո, երբ 10 մետրանոց ալիքը հարվածել է ատոմակայանների ենթակառուցվածքներին և խաթարվել է էլեկտրասնուցումը: Պարզվել է, որ ատոմակայանների պաշտպանողական շերտը նախատեսված է եղել 6 մետրանոց ալիքի համար այն դեպքում, երբ ցունամիի հետևանքով առաջացած ալիքը 10 մետրանոց էր, որը և հասցրել է այս լրջագույն վնասը: Դա նշանակում է, որ մեր ուշադրության կենտրոնում էլ պետք է լինի ոչ միայն զուտ ատոմակայանը, այլ նաև ենթակառուցվածքները, որոնք ապահովում են ատոմակայանի անխափան աշխատանքը: Մենք մեկ անգամ ևս լրացուցիչ քնարկման առարկա կդարձնենք այս խնդիրը` հրավիրելով նաև միջազգային փորձագետների, ստանալով նաև նրանց գնահատականները, թե ինչ ջանքեր պետք է գործադրենք բարձրացնելու նաև մեր ատոմակայանի անվտանգությունը:

Նիստի ավարտին ՀՀ վարչապետն ասել է.

- Ցանկանում եմ երկու տեղեկություն տալ ձեզ: Առաջինը՝ ծխախոտի ակցիզային հարկերի օրենքն է, որը մենք քննարկել ենք մեր ԵՄ գործընկերների հետ, փորձագետներ են աշխատել Հայաստանում, որպեսզի վերջնական եզրակացություն տային այդ օրենքի նախագծի վերաբերյալ: Մենք Բրյուսելում նույնպես քննարկեցինք այդ եզրակացությունը, որը դրական է և համապատասխանում է Առևտրի համաշխարհային կազմակերպության կանոններին: Դա նշանակում է, որ կառավարության այն արձանագրային որոշումը, որով մեկնաբանություն էր տրվում, թե ինչպես են գործում միջազգային պայմանագրերը ՀՀ-ում, մենք կարող ենք այսօր արձանագրային որոշմամբ չեղյալ հայտարարել, և օրենքն ամբողջությամբ և լիակատար կաշխատի: Եվ չափազանց կարևոր է, որ այդ հարցի շուրջ կա դրական եզրակացություն ոչ միայն ԵՄ փորձագետների, այլ նաև դրական կարծիք ներմուծողների , ինչպես նաև մեր տեղական արտադրողների կողմից:
Երկրորդ, ԵՄ մեր գործընկերների հետ մենք քննարկել ենք դրոշմապիտակների մասին մեր օրենդրական նախաձեռնությունը: Առաջարկությունը հետևյալն է. օրենքի այդ նախագիծը մենք ետ կանչենք Ազգային ժողովից և մեր ԵՄ գործընկերների հետ սկսենք լուծել շտրիխ կոդերով բոլոր ապրանքատեսակների հաշվառման միասնական համակարգ ներդնելու խնդիրը: Այդ համակարգն այսօր Եվրոպայում կիրառվում է, և դա նշանակում է, որ բոլոր ապրանքատեսակները կհաշվառվեն այդ միասնական համակարգով: Այդ առումով մենք տեխնիկական օժանդակություն կստանանք մեր եվրոպական գործընկերներից ևս: Կարծում եմ, որ տեխնիկական այդ օժանդակությունը կարող է էապես բարելավել մեր օրենսդրական կարողությունները, օրենքների մշակման կարողությունները:
 

Հոկտեմբեր 2019
ԵրկԵրքՉրքՀնգՈւրՇբթԿրկ
 123456
78910111213
14151617181920
21222324252627
28293031 

-

Արխիվ