Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

ուրբաթ, 18 մարտի 2011

Վարչապետը հանդիպել է Վրաստանի տարածքային զարգացման և ենթակառուցվածքների նախարարին




Վարչապետ Տիգրան Սարգսյանն այսօր ընդունել է Վրաստանի տարածքային զարգացման և ենթակառուցվածքների նախարար Ռամազ Նիկոլաիշվիլիին:
Ողջունելով հյուրին` վարչապետը կարևորել է Հայաստանի և Վրաստանի միջև տնտեսական կապերի ակտիվացումը. «Կարծում եմ` դա բխում է մեր ժողովուրդների շահերից, քանի որ տնտեսական տարածության և գործունեության դաշտի ընդլայնումը տնտեսվարող սուբյեկտների համար ավելացնում է երկու երկրների տնտեսական աճի ներուժը»: Այդ համատեքստում կառավարության ղեկավարը խոսել է հաղորդակցության արդյունավետ կազմակերպման կարևորությունից` մասնավորապես, անդրադառնալով ճանապարհաշինության, տրանսպորտային բեռնափոխադրումների և մաքսային ոլորտում երկկողմ հետաքրքրություն ներկայացնող մի շարք հարցերի:
Ռամազ Նիկոլաիշվիլին շնորհակալություն է հայտնել ընդունելության համար և Հայաստանի վարչապետին փոխանցել նրա վրաց պաշտոնակցի ողջույնները: Նա ներկայացրել է ճանապարհաշինության ոլորտում Վրաստանի փորձը` մասնավորապես, խոսելով ճանապարհների անվտանգության ապահովման, սպասարկման, պահպանման և մրցույթների անցկացման մասին: Տիգրան Սարգսյանը նշել է, որ ճանապարհաշինության ոլորտում Վրաստանի փորձն օգտակար կլինի Հայաստանի համար:
Զրուցակիցները քննարկել են տարածաշրջանային նշանակություն ունեցող, այդ թվում` ճանապարհաշինության ծրագրերի նախագծեր: Երկուստեք ընդգծվել է այդ ոլորտում տեղեկատվության և փորձի փոխանակման անհրաժեշտությունը: Արծարծվել են նաև Վերին Լարսի անցակետին առնչվող հարցեր:
Հանդիպման ավարտին վարչապետ Սարգսյանն իր ողջույններն է փոխանցել Վրաստանի վարչապետին:

 

Հոկտեմբեր 2019
ԵրկԵրքՉրքՀնգՈւրՇբթԿրկ
 123456
78910111213
14151617181920
21222324252627
28293031 

-

Արխիվ