Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

azdararir

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

հինգշաբթի, 9 դեկտեմբերի 2010

Հայաստանը կարևորում է Կորեայի Հանրապետության հետ փոխգործակցության զարգացումը



Վարչապետ Տիգրան Սարգսյանն այսօր ընդունեց Հայաստանի Հանրապետությունում Կորեայի Հանրապետության դեսպան Լի Յոուն Հոյին: Հանդիպմանը ներկա էր նաև Հայաստանի Հանրապետությունում Կորեայի Հանրապետության պատվո հյուպատոս Արմեն Աբրահամյանը:
Նշելով, որ Հայաստանը կարևորում է Ասիական-Խաղաղօվկիանոսյան տարածաշրջանի երկրների հետ փոխգործակցության զարգացումը, Տիգրան Սարգսյանն անհրաժեշտ համարեց Կորեայի Հանրապետության հետ բարեկամական հարաբերությունների խորացումը և ամրապնդումը:
Երկուստեք արձանագրելով երկկողմ հարաբերությունների ընդլայնման գործում մեծ ներուժի առկայությունը` կողմերը զրուցեցին բոլոր ոլորտներում համագործակցության ընդլայնման հեռանկարների շուրջ: Մասնավորապես, քննարկվեցին տնտեսության, կրթության և գիտության, մշակույթի, տեղեկատվական տեխնոլոգիաների բնագավառներում համատեղ ծրագրերի իրականացմանն առնչվող հարցեր: Երկու երկրների մասնավոր հատվածների միջև շփումների ակտիվացման համատեքստում կարևորվեց գործարար համաժողովների անցկացումը:
Անդրադառնալով արդեն իրականացված համատեղ ծրագրերին` կառավարության ղեկավարը գոհունակություն հայտնեց Երևանի ՋԷԿ-ի համակցված ցիկլով նոր էներգաբլոկի շինարարությանը կորեական ընկերության մասնակցության, ինչպես նաև հայ-կորեական գործարար համաժողովների, սեմինարների և մշակութային միջոցառումների անցկացման կապակցությամբ: Վարչապետ Սարգսյանը շնորհակալություն հայտնեց Կորեայի կառավարությանը Հայաստանին տրամադրված տեխնիկական օժանդակության, ինչպես նաև Վ.Բրյուսովի անվան Երևանի պետական լեզվաբանական համալսարանի կորեական լեզվի ուսումնասիրության կենտրոնին ցուցաբերված աջակցության համար: Նա նշեց նաև, որ Հայաստանը հրավեր է ստացել` մասնակցելու 2011 թ. ընթացքում Կորեայի Հանրապետությունում կայանալիք «Buy Korea-2011» առևտրաարդյունաբերական և «Seoul Food Show» սննդարդյունաբերական ցուցահանդեսներին:
Դեսպան Լի Յոուն Հոյը նշեց, որ պաշտոնավարման ընթացքում ջանք չի խնայի ի շահ երկու երկրների միջև հարաբերությունների զարգացման և ամրապնդման:
Զրուցակիցներն անդրադարձան նաև 2010 թ. նոյեմբերի 23-ին Կորեայի Ժողովրդա-Դեմոկրատական Հանրապետության և Կորեայի Հանրապետության միջև տեղի ունեցած ողբերգական իրադարձություններին: Այդ կապակցությամբ վարչապետ Սարգսյանը ՀՀ կառավարության անունից ցավակցություններ հայտնեց զոհվածների ընտանիքներին և հարազատներին: Կառավարության ղեկավարն ընդգծեց, որ Հայաստանն անընդունելի է համարում ուժի կիրառումը միջպետական հակամարտությունների լուծման գործում:
 

Հուլիս 2024
ԵրկԵրքՉրքՀնգՈւրՇբթԿրկ
1234567
891011121314
15161718192021
22232425262728
293031 

-

Արխիվ