Հայաստանի Հանրապետության Կառավարություն

Վարչապետ Տիգրան Սարգսյանն այսօր ընդունել է Լեհաստանի Հանրապետության արտաքին գործերի նախարար Ռադոսլավ Սիկորսկուն և նրա գլխավորած պատվիրակությանը։
Ողջունելով հյուրերին, վարչապետը նշել է, որ վերջին շրջանում նկատվում է հայ-լեհական հարաբերությունների ակտիվացում։ Լեհաստանի վարչապետի հետ զրույցի և ձեռք բերված պայմանավորվածությունների համատեքստում Տիգրան Սարգսյանը նշել է, որ Հայաստանի կառավարությանը հետաքրքրված է Լեհաստանի հետ տնտեսական հարաբերությունների ամրապնդմամբ և աշխուժացամամբ։ Վարչապետը ողջունելի է համարել նման հանդիպումները, նշելով, որ հայ-լեհական տնտեսական համագործակցությունը զարգացնելու զգալի ներուժ գոյություն ունի, որը լիարժեք օգտագործված չէ։
Լեհաստանի Հանրապետության արտաքին գործերի նախարարը բարձր է գնահատել հայ-լեհական քաղաքական հարաբերությունները և նշել, որ երկու երկրների միջև տնտեսական հարաբերերությունը ևս պետք է հասցվի նույն մակարդակին։
Զրուցակիցներն անդրադարձել են հայ-լեհական քաղաքական եւ տնտեսական գործակցության խորացման հարցերին։ Նշվել է, որ ԵՄ Արևելյան գործընկերությունը նոր հարթություն է տեղափոխում Հայաստանի և ԵՄ-ի ու նրա անդամ երկրների միջև համագործակցությունը։ Բարձր է գնահատվել Լեհաստանի կարևոր ներդրումն ու դերակատարությունն այս հարցում։
Տիգրան Սարգսյանը հյուրերին է ներկայացրել հանքահումքային արդյունաբերության, մասնավորապես` պղնձի, մոլիբդենի, բազալտի, ինչպես նաեւ էներգետիկայի ոլորտներն ու դրանցում ներդրումներ կատարելու հնարավորությունները։