Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

երեքշաբթի, 13 հուլիսի 2010

«Հազարամյակի մարտահրավեր» հիմնադրամ-Հայաստան» ՊՈԱԿ-ի կառավարման խորհրդի նիստում քննարկվել են օրակարգային հարցեր





Այսօր կառավարությունում տեղի է ունեցել «Հազարամյակի մարտահրավեր» հիմնադրամ-Հայաստան» ՊՈԱԿ-ի կառավարման խորհրդի հերթական նիստը, որը վարել է վարչապետ, խորհրդի նախագահ Տիգրան Սարգսյանը։
Օրակարգի առաջին հարցի շրջանակներում Խորհուրդը քննարկել և հաստատել է «Հազարամյակի մարտահրավեր» hիմնադրամ-Հայաստան» ծրագրի Ոռոգվող գյուղատնտեսություն ենթածրագրի Ենթակառուցվածք բաղադրիչի շրջանակներում «Երրորդ կարգի ջրանցքների վերականգնում (Փաթեթ II)»-ի առաջին և երրորդ Լոտերի պայմանագրերի նախագծերը։
Նիստում հաստատվել են Հազարամյակի մարտահրավեր կորպորացիային ներկայացվելիք Արտահերթ Հատկացման հայտը և դրան կից փաստաթղթերը, որոնց վերաբերյալ զեկուցել է «Հազարամյակի մարտահրավեր» հիմնադրամ-Հայաստան» ՊՈԱԿ-ի գլխավոր գործադիր տնօրեն Արա Հովսեփյանը։ Համաձայն Արտահերթ Հատկացման հայտի` 2010 թ. հուլիս-սեպտեմբեր եռամսյակի համար ՀՄՀ-Հայաստանը Կորպորացիայից ակնկալում է ստանալ լրացուցիչ ֆինանսավորում 206,767 (երկու հարյուր վեց հազար յոթ հարյուր վաթսունյոթ) ԱՄՆ դոլարի չափով։ Այսպիսով, ընթացիկ եռամսյակի համար հատկացումների 16-րդ հայտով հաստատված և պահանջվող լրացուցիչ ֆինանսավորման ընդհանուր գումարը կկազմի 25,253,712 (քսանհինգ միլիոն երկու հարյուր հիսուներեք հազար յոթ հարյուր տասներկու) ԱՄՆ դոլար։ Լրացուցիչ ֆինանսավորումն անհրաժեշտ է ՀՄՀ-Հայաստանի Ջրից դեպի շուկա ծրագրի վարկային բաղադրիչի գործունեության շարունակական ֆինանսավորումն ապահովելու համար։ Վարկային բաղադրիչի ընդհանուր գումարը կազմում է 8.5 մլն ԱՄՆ դոլար, որի տեղաբաշխումը նախատեսվում է ավարտել մինչև 2010 թ. սեպտեմբերի վերջը։
Օրակարգի մեկ այլ հարցով Խորհրդի անդամները հաստատել են Ենթակառուցվածք բաղադրիչի շրջանակներում վերականգնվող Ռանչպար 1 պոմպակայանում շինարարական աշխատանքների իրականացման համար անհրաժեշտ հողերի օտարման գործողությունների պլանը։ Քննարկվել է «Հազարամյակի մարտահրավեր» հիմնադրամ-Հայաստան» ծրագրի փակման պլանը։
Կառավարման խորհրդին են ներկայացվել «Հազարամյակի մարտահրավեր» հիմնադրամ-Հայաստան» ծրագրի շահառուների խորհրդի ընտրության արդյունքները և նոր կազմը, որոնք քննարկվել և հաստատվել են Խորհրդի կողմից։
Ի գիտություն է ընդունվել «Հազարամյակի մարտահրավեր» հիմնադրամ-Հայաստան» ծրագրի շրջանակներում մշակվող Ոռոգման ռազմավարության ընթացքի և մոնիտորինգի ու գնահատման փոփոխված պլանի վերաբերյալ տեղեկատվությունը։

 

Օգոստոս 2020
ԵրկԵրքՉրքՀնգՈւրՇբթԿրկ
 12
3456789
10111213141516
17181920212223
24252627282930
31 

-

Արխիվ