Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

azdararir

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

երեքշաբթի, 27 ապրիլի 2010

Կառավարության ղեկավարը ներկա է գտնվել Հայաստանում Եվրասիական զարգացման բանկի մշտական ներկայացուցչության բացմանը


Վարչապետ Տիգրան Սարգսյանն այսօր ներկա է գտնվել «Հայաստանի Հանրապետության կառավարության և Եվրասիական զարգացման բանկի միջև Հայաստանի Հանրապետության տարածքում Եվրասիական զարգացման բանկի գտնվելու պայմանների մասին» համաձայնագրի ստորագրման պաշտոնական արարողությանը։ Համաձայնագիրը ստորագրել են ՀՀ էներգետիկայի և բնական պաշարների նախարար Արմեն Մովսիսյանը և Եվրասիական զարգացման բանկի խորհրդի նախագահ Իգոր Ֆինոգենովը։ Համաձայնագրով նախատեսվում է Եվրասիական զարգացման բանկի մշտական ներկայացուցչության բացում Հայաստանում։
Ստորագրվել են նաև Համագործակցության հուշագրեր Եվրասիական զարգացման բանկի և ՀՀ էներգետիկայի և բնական պաշարների նախարարության, «ՀայՌուսգազպրոմ», «Հարավկովկասյան երկաթուղի», «Միջազգային էներգետիկ կորպորացիա» և «Հայբիզնեսբանկ» ՓԲԸ-երի հետ։
Շնորհավորելով ներկաներին Համաձայնագրի ստորագրման առթիվ` վարչապետը, մասնավորապես նշել է. «Մենք դարձել ենք Եվրասիական զարգացման բանկի լիիրավ անդամ։ Հիշում եք, որ այս համաձայնագիրը հավանության է արժանացել Հայաստանի Հանրապետության խորհրդարանի կողմից, և մենք նաև մասնակցություն ունենք այս բանկի կապիտալում։ Հուսով ենք, որ այս համաձայնագրերի ստորագրումը նոր ազդակ կհաղորդի մեր փոխհարաբերություններին։ Մենք արդեն նախապատրաստել ենք մի քանի նախագծեր, որոնք ներկայացվել են բանկի ղեկավարության քննարկմանը։ Հարցը, թե ինչպես ակտիվացնել բանկի գործունեությունը, քննարկվում է նաև ԱՊՀ երկրների կառավարությունների ղեկավարների և ֆինանսների նախարարների մակարդակով։ Գիտեք նաև, որ ԱՊՀ շրջանակներում ստեղծված Հակաճգնաժամային հիմնադրամի օգտագործման օպերատորը նույնպես կլինի Եվրասիական զարգացման բանկը, իսկ դա նշանակում է, որ բանկի գործունեությունը կարող է լինել բազմապլան, բազմաֆունկցիոնալ։ Այդ իսկ պատճառով մենք հատուկ կարևորում ենք այսօրվա իրադարձությունը։ Եվս մեկ անգամ շնորհավորում եմ բոլորիս Համաձայնագրի ստորագրման առթիվ»։
Այնուհետև Տիգրան Սարգսյանը և Իգոր Ֆինոգենովը պատասխանել են լրագրողների հարցերին։
 

ՀՀ վարչապետ Տիգրան Սարգսյանի և Եվրասիական զարգացման բանկի խորհրդի նախագահ Իգոր Ֆինոգենովի մամուլի ասուլիսը

Մարտ 2024
ԵրկԵրքՉրքՀնգՈւրՇբթԿրկ
 123
45678910
11121314151617
18192021222324
25262728293031

-

Արխիվ