Հայաստանի Հանրապետության Կառավարություն

Այսօր վարչապետ Տիգրան Սարգսյանն ընդունել է Համաշխարհային բանկի պատվիրակությանը տարածաշրջանային տնօրեն Ասադ Ալամի գլխավորությամբ։ Կողմերը քննարկել են ՀՀ կառավարության և Համաշխարհային բանկի միջև համագործակցության վերաբերյալ մի շարք հարցեր։ Մասնավորապես անդրադարձ է արվել Հյուսիս-հարավ ծրագրի իրականացման ընթացքին և դրանում Համաշխարհային բանկի հնարավոր մասնակցության հարցին։
Կարևորվել է նաև Տաթևի վանքի գյուղական ճանապարհի վերականգնման հարցը։
Քննարկվել են էներգիայի արդյունավետ օգտագործման և գյուղատնտեսության զարգացման հարցեր։ Հեռանկարային է համարվել Համաշխարհային բանկի օժանդակությամբ Հայաստանում շենքերի սեյսմակայունության բարձրացմանն ուղղված ծրագրի իրականացումը։
Զրուցակիցները մտքեր են փոխանակել Հայաստանի ապագա տնտեսական զարգացման մոդելի վերաբերյալ։