Հայաստանի Հանրապետության Կառավարություն

Վարչապետ Տիգրան Սարգսյանն այսօր ընդունել է Իտալիայի տնտեսական զարգացման նախարարի տեղակալ Պաոլո Ռոմանիին և նրա գլխավորած պատվիրակությանը։
Ողջունելով հյուրերին` կառավարության ղեկավարը դրական է գնահատել հայ-իտալական հարաբերությունները, մասնավորապես, համագործակցությունը շինարարության ոլորտում, որն անգամ ճգնաժամի պայմաններում զարգացել է։
Պաոլո Ռոմանին Տիգրան Սարգյանին տեղեկացրել է, որ Հայաստան ժամանած իտալական պատվիրակության կազմում են հեռուստաընկերությունների ներկայացուցիչներ, հեռուստառադիոթվայնացման, ինտերնետային լայնաշերտ համացանցի ծառայության և փոստային ծառայությունների փորձագետներ։ Նա նաև նշել է, որ հաճելիորեն զարմացած է թվայնացման ոլորտում հայ մասնագետների կարողություններից և առաջարկել է կազմակերպել մի խումբ մասնագետների վերապատրաստում Իտալիայում։
Զրուցակիցներն անդրադարձել են նաև Գյումրիում Եվրոպական դիզայնի ինստիտուտի մասնաճյուղին և տեխնոպարկին։