Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

չորեքշաբթի, 11 նոյեմբերի 2009

Սոցիալական խնամքի փորձի ներդրում «ՍՕՍ- Կինդերսդորֆ ինտերնացիոնալ» կազմակերպության շնորհիվ


Այսօր Հայաստանի Հանրապետության վարչապետ Տիգրան Սարգսյանն ընդունել է «ՍՕՍ- Կինդերսդորֆ ինտերնացիոնալ» կազմակերպության պատվիրակությանը` կազմակերպության Կենտրոնական ու Արևելյան Եվրոպայի, մերձբալթյան հանրապետությունների և ԱՊՀ երկրների տարածաշրջանային տնօրեն Զդենկո Սեդլարի գլխավորությամբ։
Ողջունելով հյուրերին Տիգրան Սարգսյանը նշել է, որ կարևորում է այն երկխոսությունը, որ մեկնարկել է կազմակերպության ու գործադիր իշխանության միջև։ Առանձնակի անդրադարձ կատարելով այն պայմանավորվածություններին, որոնք ձեռք էին բերվել վարչապետի` Հայաստանում գործող «ՍՕՍ մանկական գյուղ» այցելության ժամանակ, Տիգրան Սարգսյանն ասել է, որ լավ առիթ է ստեղծվել ևս մեկ անգամ անդրադառնալու փոխադարձ հետաքրքրություն ներկայացնող խնդիրներին ու քննարկել առկա հարցադրումները։
Զդենկո Սեդլարն, իր հերթին շնորհակալություն է հայտնել կառավարության ղեկավարից մանկական գյուղի խնդիրների նկատմամբ հոգատարության ու հետևողականության համար ու նշել է, որ ՀՀ կառավարության հետ համագործակցության մոդելը օրինակ է ծառայելու կազմակերպության հետ գործակցող մի քանի տասնյակ երկրների հետ հարաբերություններ կառուցելու համար։ Նշվել է նաև, որ հաջորդ տարի Իջևանում կբացվի երկրորդ մանկական գյուղը։
Զրուցակիցները քննարկել են կազմակերպության հետ փոխըմբռնման հուշագիր կնքելու հարցը, նշելով, որ այն պետք է արտացոլի երկու կողմերի ակնկալիքները։ Որպեսզի ճշտվեն, թե ինչպիսի հնարավորություններ կան ներկայումս առկա օրենսդրական ու իրավական խնդիրները լուծելու համար, որոշվեց ուսումնասիրել, քննարկել ու ներդնել այս ոլորտում առկա եվրոպական փորձը։
Կառավարության ղեկավարը նշել է, որ ցանկություն ունի ընդլայնել համագործակցությունը, լուծել այն խնդիրները, որոնք այսօր ծառացած են կազմակերպության գործունեության ընդլայնման գործընթացի առաջ։ Տիգրան Սարգսյանը նախատեսում է ներդնել «ՍՕՍ Կինդերսդորֆի» կողմից մշակված մեթոդաբանությունը մեր երկրում առանց ծնողական խնամքի մնացած մանուկների և երիտասարդների սոցիալական խնամքի ոլորտում առկա հարցերի լուծման համար։
Երկուստեք պատրաստակամություն հայտնվեց սեղմ ժամկետում ավարտել հուշագրի վերաբերյալ դիրքորոշումների հստակեցումը։ ՀՀ վարչապետը համապատասխան գերատեսչություններին հանձնարարեց արագացնել այդ ուղղությամբ տարվող աշխատանքները։

 

Դեկտեմբեր 2019
ԵրկԵրքՉրքՀնգՈւրՇբթԿրկ
 1
2345678
9101112131415
16171819202122
23242526272829
3031 

-

Արխիվ