Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

azdararir

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

չորեքշաբթի, 25 փետրվարի 2009

Այսօր ՀՀ կառավարությունում տեղի է ունեցել պետական, քաղաքական գործիչ Վազգեն Սարգսյանի 50-ամյակի նշումը նախապատրաստող հոբելյանական հանձնաժողովի նիստ, որը վարել է հանձնաժողովի նախագահ, ՀՀ վարչապետ Տիգրան Սարգսյանը։
Քննարկվել են այն բազմաբնույթ միջոցառումները, որոնք հանձնաժողովի կողմից հաստատվելիք ծրագրի շրջանակներում կիրականացվեն ինչպես Վազգեն Սարգսյանի ծննդյան օրվան նախորդող շաբաթվա ընթացքում, այնպես էլ մարտի 5-ին` ծննդյան օրը ու նաև դրանից հետո` ամբողջ տարվա ընթացքում։ Միջոցառումները կանցկացվեն ոչ միայն մայրաքաղաքում, այլև մարզերում և ԼՂՀ-ում։ Այսօրվա նիստում հանձնաժողովի անդամներից` ՀՀ պաշտպանության, մշակույթի, կրթության և գիտության, սպորտի և երիտասարդության հարցերի նախարարները, Հայաստանի գրողների միության նախագահը, Հանրային հեռուստառադիոընկերության խորհրդի նախագահը ներկայացրել են իրենց առաջարկությունները` համատեղ կամ առանձին իրականացնելիք միջոցառումների վերաբերյալ։ Մասնավորապես, նշվել է, որ նախատեսվում է Վազգեն Սարգսյանի ծննդյան օրը Կ. Դեմիրճյանի անվան մարզահամերգային համալիրում անցկացնել հիշատակի երեկո, իսկ մինչ այդ` պետական, քաղաքական գործչի 50-ամյակի կապակցությամբ մի շարք կրթօջախներում, զորամասերում, Վազգեն Սարգսյանի ծննդավայրում ՀՀ պաշտպանության, կրթության և գիտության նախարարությունները և Հայաստանի գրողների միությունը համատեղ կանցկացնեն հիշատակի հանդիսավոր արարողություններ, ռազմահայրենասիրական բնույթի միջոցառումներ։ Մարտի 5-10-ին ՀՀ սպորտի և երիտասարդության հարցերի նախարարությունը կանցկացնի ծանրամարտի պատանիների առաջնություն` նվիրված Վազգեն Սարգսյանի 50-ամյակին, իսկ Հայաստանի գրողների միությունը կկազմակերպի գրող Վազգեն Սարգսյանի ստեղծագործությունների ընտրանու շնորհանդեսը։ Մշակույթի նախարարությունը, «Գրականություն պատանիներին» ծրագրի ընթացիկ տարվա շարքը կնվիրի գրող, պետական, քաղաքական գործիչ Վազգեն Սարգսյանի 50-ամյա հոբելյանին։ Հանրային հեռուստառադիոընկերությունը կցուցադրի Վազգեն Սարգսյանին նվիրված` ՀՀ պաշտպանության նախարարության պատրաստած նոր ֆիլմը, ուղիղ եթեր կհեռարձակի մարտի 5-ի հիշատակի երեկոն և լայնորեն կլուսաբանի հոբելյանական հանձնաժողովի հաստատած միջոցառումները։
Վարչապետը հանձնարարել է այս և հանձնաժողովի նիստում հնչած նոր առաջարկությունները ներկայացնել գրավոր` ամրագրելով միջոցառման անցկացման ժամկետը և պատասխանատուին։
 

Մարտ 2024
ԵրկԵրքՉրքՀնգՈւրՇբթԿրկ
 123
45678910
11121314151617
18192021222324
25262728293031

-

Արխիվ