Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

երկուշաբթի, 23 դեկտեմբերի 2002

Այսօր ՀՀ վարչապետ Անդրանիկ Մարգարյանն այցելել է մայրաքաղաքի «Ավասա» գրատուն, որտեղ բացվել է Գարեգին Նժդեհին նվիրված գրքերի ցուցահանդես, որից հետո կառավարությունում հրավիրել է ՀՀ վարչապետին կից կանանց հարցերով խորհրդի նիստ: Քննարկվել են խորհրդի աշխատանքային խմբերի հաշվետվությունները՝ 2002թ. կատարված աշխատանքների վերաբերյալ: Քանի որ նախորդ նիստում զեկուցվել է առողջապահության ոլորտում խորհրդի կատարած աշխատանքների հաշվետվությունը, այսօր սոցիալ-առողջապահական աշխատանքային խմբի ղեկավար, սոցիալական ապահովության փոխնախարար Կարինե Հակոբյանը ներկայացրել է սոցիալական ոլորտում կատարվածը։ Ըստ նրա, հաշվետու շրջանում խմբի անդամների կողմից իրականացվել են «Կանանց նկատմամբ խտրականության բոլոր ձևերի վերացման մասին» ՄԱԿ-ի կոնվենցիայի դրույթների կատարման վերաբերյալ ազգային զեկույցի աշխատանքները, որի պաշտպանությունը տեղի է ունեցել Նյու Յորքում, օգոստոսի 7-ին: Խումբը մասնակցել է նաև «Կանայք հակամարտության կարգավորման և խաղաղության կառուցման գործընթացներում» ծրագրի իրականացմանը, կազմակերպել բազմազավակ և միայնակ մայրերի, ընտանիքի հիմնախնդիրներին նվիրված սեմինար-խորհրդակցություններ, «Կանանց գործելակերպը և քաղաքական մասնակցությունը վերջին տասնամյակում» համաժողովը: Հավաքվել և մշակվել են համապատասխան փաստաթղթեր՝ կապված հանրապետությունում առկա դեմոգրաֆիական իրավիճակի հետ: 2002թ. սեպտեմբերին կառավարության որոշմամբ ստեղծված Կանանց վիճակի բարելավման և հասարակության մեջ նրանց դերի բարձրացման ազգային ծրագիր (2004-2010թթ.) մշակող միջգերատեսչական հանձնաժողովն արդեն հրավիրել է երկու նիստ: Ստեղծվել են վերոհիշյալ ծրագրի, ինչպես նաև կանանց և աղջիկների առքուվաճառքի և շահագործման կանխարգելմանն ու զոհերի պաշտպանվածությանն ուղղված ենթածրագրի մշակման աշխատանքային խմբեր: Արդեն իսկ նախանշվել են Ազգային ծրագրի հիմնական ուղղությունները, իսկ ենթածրագիրը վերջնական քննարկման փուլում է: Ըստ կրթական աշխատանքային խմբի ղեկավար, գիտության և կրթության փոխնախարար Աիդա Թոփուզյանի, խմբի անդամները՝ տեղական ինքնակառավարման մարմինների ներկայացուցիչների հետ, իրականացրել են կրթության հասանելիության ապահովման ուղղությամբ տարվող աշխատանքների ուսումնասիրություն՝ Երևանի Մալաթիա-Սեբաստիա համայնքում և Արմավիրի մարզում: Խումբը ներկայացրել է ծրագրի նախագիծ՝ հանրակրթական դպրոցների 1-3-րդ դասարանների սովորողների անվճար սնունդը կազմակերպելու վերաբերյալ: Անց են կացվել արդեն ավանդական դարձած‘ մանկավարժ կանանց ընդունելություններ ու պարգևատրումներ՝ Ուսուցչի օրվա առթիվ: Խմբի ղեկավարը նշել է նաև, որ առողջապահության նախարարության հետ կատարվել է նախադպրոցական հաստատություների դաստիարակների առողջական հարցերի դրվածքի ուսումնասիրություն Երևանի մի շարք մանկապարտեզներում և մայրաքաղաքի հատուկ տիպի մանկատանը։ Արդյունքում, ՀՀ վարչապետի կողմից հանձնարարական է տրվել առողջապահության նախարարին‘ մանկապարտեզների դաստիարակների և դպրոցների ուսուցիչների առողջական քննությանն ու բարելավմանն ուղղված միջոցառումների իրականացումը նախատեսել պետության կողմից երաշխավորված անվճար բուժօգնության 2003 թ. ծավալներում։ Մշակութային խմբի ղեկավար, մշակույթի, երիտասարդության հարցերի և սպորտի փոխնախարար Ալիս Ադամյանը զեկուցել է, որ 2002.-ի համար նախատեսված բոլոր հինգ ծրագրերը հիմնականում իրականացվել են։ Մասնավորապես, կազմակերպվել են արվեստագետ կանանց ստեղծագործություների ցուցահանդեսներ, ստեղծման փուլում է արվեստագետ հայ կանանց վերաբերյալ տեղեկատվական բանկի ձևավորման աշխատանքը, անցկացվել է «Կին-մշակույթ-խաղաղություն» հանրապետական փառատոն-ստուգատես՝ ՀՀ մարզերում, ԼՂՀ-ում և Ջավախքում, մշակույթի ոլորտի կանանց գործարարության զարգացման նպատակով կազմակերպվել են մենեջմենթի դասընթացներ և այլն: Խմբի ղեկավարը նշել է նաև, որ կանանց վիճակի բարելավման և հասարակության մեջ նրանց դերի բարձրացման 2003-2010թթ. ազգային ծրագրի շրջանակներում խմբի կողմից մշակվում է համապատասխան համապարփակ ծրագիր: Մշակույթի ոլորտում խորհրդի նախատեսած ծրագրերից մնացել են այն միջոցառումները, որոնք որոշակի ֆինանսավորում են պահանջել։ Վարչապետը հանձնարարել է մշակույթի, երիտասարդության հարցերի և սպորտի նախարարին‘ 2003 թ. հիշյալ միջոցառումների անցկացման ժամանակ նախարարության բյուջեից գումարներ հատկացնել։ ՀՀ վարչապետ Անդրանիկ Մարգարյանը շնորհակալություն է հայտնել խորհրդին և աշխատանքային խմբերի անդամներին‘ կատարված աշխատանքների համար, նշելով, որ արվածը քիչ չէ, բայց թերևս կարելի էր ավելին անել։ Նա հույս է հայտնել, որ այս տարվա աշխատանքի փորձը հաշվի առնելով, եկող տարի և հետագայում հնարավոր կլինի ավելի մեծ արդյունքների հասնել։
Հունվար 2020
ԵրկԵրքՉրքՀնգՈւրՇբթԿրկ
 12345
6789101112
13141516171819
20212223242526
2728293031 

-

Արխիվ