երկուշաբթի, 8 դեկտեմբերի 2008
ՀՀ վարչապետ Տիգրան Սարգսյանի գլխավորած կառավարական պատվիրակությունը դեկտեմբերի 9-ին մեկօրյա աշխատանքային այցով կմեկնի Վրաստանի մայրաքաղաք Թբիլիսի:
Պատվիրակության կազմում են, ՀՀ ֆինանսների նախարար Տիգրան Դավթյանը, էկոնոմիկայի նախարար Ներսես Երիցյանը, էներգետիկայի և բնական պաշարների նախարար Արմեն Մովսիսյանը, սփյուռքի նախարար Հրանուշ Հակոբյանը, ՀՀ կառավարության աշխատակազմի ղեկավար Դավիթ Սարգսյանը, ՀՀ կառավարությանն առընթեր պետական եկամուտների կոմիտեի նախագահ Գագիկ Խաչատրյանը, ՀՀ տրանսպորտի և կապի նախարարի առաջին տեղակալ Հրանտ Բեգլարյանը, արտաքին գործերի նախարարի տեղակալ Շավարշ Քոչարյանը, գյուղատնտեսության նախարարի տեղակալ Լևոն Ռուխկյանը, մշակույթի նախարարի տեղակալ Գագիկ Գյուրջյանը, Վրաստանում ՀՀ արտակարգ և լիազոր դեսպան Հրաչ Սիլվանյանը, ՀՀ ազգային ժողովի պատգամավոր Վլադիմիր Բադալյանը, ՀՀ կառավարության, ՀՀ ԱԳՆ աշխատակազմերի ստորաբաժանումների ղեկավարներ, պաշտոնատար այլ անձինք:
Այցի շրջանակներում պատվիրակությունը կմասնակցի Հայ-վրացական տնտեսական համագործակցության միջկառավարական հանձնաժողովի յոթերորդ նիստին: ՀՀ վարչապետ Տիգրան Սարգսյանը հանդիպումներ կունենա Վրաստանի նախագահ Միխայիլ Սահակաշվիլիի, վարչապետ Գրիգոլ Մգալոբլիշվիլիի հետ, կայցելի Վրաստանում ՀՀ դեսպանատուն, հայկական Սբ. Նորաշեն եկեղեցի:
