Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

շաբաթ, 6 դեկտեմբերի 2008

ՀՀ վարչապետ Տիգրան Սարգսյանն այսօր ընդունել է ՌԴ Սվերդլովսկի նահանգապետ Էդուարդ Ռոսսելին և նրա գլխավորած պատվիրակությանը, որը Հայաստանում է գտնվում 1988թ. ՀՀ-ում տեղի ունեցած երկրաշարժի 20-ամյա տարելիցին նվիրված միջոցառումներին մասնակցելու նպատակով: Կառավարության ղեկավարը շնորհակալություն է հայտնել նահանգապետ Ռոսսելին և պատվիրակության անդամներին` հրավերն ընդունելու և այդպիսով հնարավորություն ընձեռելու` անձամբ երախտագիտություն հայտնելու երկրաշարժից անմիջապես հետո վերականգնողական աշխատանքներին մասնակցած անձանց և ամբողջ ռուս ժողովրդին` 20 տարի առաջ չափազանց ծանր ու դժվարին օրերին մեր ժողովրդին կարեկից լինելու և օգնության ձեռք մեկնելու համար: Տիգրան Սարգսյանը նշել է, որ Հայաստանի անկախացումից ի վեր հայ-ռուսական բարեկամական հարաբերությունները շարունակաբար ամրապնդվել են, վերածվելով նաև ռազմավարական գործընկերության: Ըստ վարչապետի, այսօր Հայաստանում գործում է համատեղ կամ զուտ ռուսական կապիտալով 1000 ձեռնարկություն, բոլոր ոլորտներում երկու երկրների միջև հարաբերությունները դինամիկ զարգանում են` տարեցտարի հայ-ռուսական միջկառավարական հանձնաժողովի օրակարգը համալրելով փոխգործակցության նորանոր ծրագրերով:

ՀՀ վարչապետը հյուրերին ներկայացրել է դեկտեմբերի 5-ին Մոսկվա կատարած իր աշխատանքային այցի ընթացքում ՌԴ կառավարության ղեկավարի հետ քննարկած հարցերի շրջանակը, այդ թվում` համաշխարհային ֆինանսական և տնտեսական ճգնաժամի բացասական հետևանքները համատեղ ջանքերով մեղմելու հնարավորությունները:

Զրուցակիցներն ընդգծել են Հայաստանի և Ռուսաստանի տարածքային վարչական միավորների միջև ուղղակի կապերի ամրապնդման և համագործակցության ընդլայնման անհրաժեշտությունը, որը երկու երկրների կառավարությունների կողմից չափազանց կարևորվում է: Վարչապետը տեղեկացրել է, թե Ռուսաստանի իր պաշտոնակցի հետ քննարկել են անգամ հաջորդ միջկառավարական նիստը ՌԴ որևէ տարածաշրջանում անցկացնելու հարցը, որը կարող է լինել նաև Սվերդլովսկը:

Նահանգապետ Էդուարդ Ռոսսելն նշել է, թե Հայաստանի հետ Սվերդլովսկը ամենատարբեր բնագավառներում լայն համագործակցություն ծավալելու մեծ հնարավորություններ և հսկայական ներուժ ունի, այդ թվում` գիտական: Նա ՀՀ կառավարության ղեկավարին ներկայացրել է մետալուրգիայի, մեքենաշինության, առողջապահական սարքավորումների ու դեղորայքի արտադրության, էներգետիկայի, գյուղատնտեսության և մի շարք այլ ոլորտներում Սվերդլովսկի տարածաշրջանի ներուժը, տնտեսական ներկայիս վիճակն ու համագործակցության որոշակի առաջարկություններ քննարկել:

Վարչապետ Տիգրան Սարգսյանը, առևտրատնտեսական հարաբերություններին նոր խթան հաղորդելու տեսանկյունից, բավականին հետաքրքիր և ոգևորիչ է համարել առաջարկությունները` նշելով, որ կհանձնարարի Հայկական զարգացման գործակալության ղեկավարությանը` այցելելու Սվերդլովսկ և տեղում հանգամանորեն քննարկելու փոխգործակցության բոլոր հնարավորություններն ու ծրագրերը: Կառավարության ղեկավարն ընդծել է, թե հետագա գործընթացը կպահի իր ուշադրության կենտրոնում:

Դեկտեմբեր 2019
ԵրկԵրքՉրքՀնգՈւրՇբթԿրկ
 1
2345678
9101112131415
16171819202122
23242526272829
3031 

-

Արխիվ