Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

չորեքշաբթի, 25 հունիսի 2008

ՀՀ վարչապետ Տիգրան Սարգսյանն այսօր մասնակցել է հունիսի 25-27-ը ՀՀ կառավարության շենքի նիստերի դահլիճում անցկացվող` ՀՀ սպորտի և երիտասարդության հարցերի նախարարության աջակցությամբ, Երիտասարդական միջոցառումների կենտրոնի կողմից կազմակերպված «Երիտասարդություն, իրականություն, հեռանկարներ» խորագրով երիտասարդական համաժողովի բացմանը: Ըստ կազմակերպիչների, համաժողովի նպատակն է` բարձրացնել երիտասարդական հասարակական դաշտի մասին տեղեկացվածությունը, խթանել երիտասարդական ՀԿ-պետություն, ՀԿ-միջազգային կազմակերպություններ, ՀԿ-ների միջև կապերը և համագործակցությունը, վեր հանել երիտասարդությանն առնչվող արդիական խնդիրները և քննարկել դրանց լուծման եղանակները:

Համաժողովի մասնակիցներին ուղղված ողջույնի խոսքում ՀՀ վարչապետը խոսել է մեր երկրի ապագայի կերտման գործում երիտասարդների դերի մասին: Վարչապետը, մասնավորապես, ասել է.

«Ինչպիսի՞ն է լինելու մեր երկրի ապագան: Եթե մենք ուզում ենք այս հարցի պատասխանը տալ այսօր, ապա պետք է աշխատենք ձեզ հետ: Մեր երկրի ապագան լինելու է այնպիսին, ինչպիսին դուք` այսօրվա երիտասարդներդ, պատկերացնում եք այն: Ինչպիսի՞ արժեքներ, որ կան ձեզանում, այդպիսին էլ լինելու է վաղվա Հայաստանը: Եվ շփվելով, աշխատելով ձեզ հետ, մենք ավելի հստակ պատկերացումներ կունենանք ապագայի մասին: Այդ առումով, կարծում եմ, այս հավաքը կառավարության համար կարող է լինել չափազանց կարևոր, որովհետև բացառիկ հնարավորություն է լինելու լսել ձեզ, ձեր պատկերացումները երիտասարդական քաղաքականության մասին, ձեր սպասելիքները կառավարությունից և ձեր ուղերձը կառավարությանը` ի՞նչ անելիքներ մենք ունենք երիտասարդության շրջանակներում, որո՞նք են մեր բացթողումները, մեր թույլ և ուժեղ կողմերը: Եթե լինի այսպիսի երկխոսություն, բնականաբար, մենք կարող ենք օժանդակել ձեզ, որպեսզի վաղը ունենանք ձեր երազած Հայաստանը: Այստեղ տաղավարներից մեկում մի գեղեցիկ աղջնակ ինձ ասաց, թե ձեր առաքելությունը կայանում է նրանում, որ ոչ ոք իրավունք չունի արգելելու, որ դուք երազեք: Կարծում եմ, այսօր բացառիկ հնարավորություն է ստեղծվում, որպեսզի դուք կիսվեք մեզ հետ ձեր երազանքներով, և ես ձեզ հավաստիացնում եմ, որ դա խիստ օգտակար կլինի առաջին հերթին մեզ համար` իմանալ, թե մեր երիտասարդներն ինչի՞ մասին են երազում այսօր: Ցանկանում եմ այս միջոցառմանը հաջողություն և հավաստիացնում եմ ձեզ, որ մենք խիստ շահագրգռված ենք, որպեսզի նմանատիպ միջոցառումները լինեն հաջողված: Բարի երթ»:


 

Հոկտեմբեր 2022
ԵրկԵրքՉրքՀնգՈւրՇբթԿրկ
 12
3456789
10111213141516
17181920212223
24252627282930
31 

-

Արխիվ