Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

azdararir

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

հինգշաբթի, 29 մայիսի 2008

ՀՀ վարչապետ Տիգրան Սարգսյանն այսօր ընդունել է ՀՀ-ում Իտալիայի Հանրապետության արտակարգ և լիազոր դեսպան Մասիմո Լավեցո Կասինելիին:

Վարչապետն ընդգծել է, որ մեր երկիրը կարևորում է Իտալիայի հետ ձևավորված դարավոր բարեկամական հարաբերությունները, որոնք այսօր հատկապես տնտեսական և մշակութային ոլորտներում առավել զարգացման և ամրապնդման լավ հեռանկարներ ունեն: Այդ տեսանկյունից, երկուստեք կարևորվել է դեռևս 2005թ. ՀՀ նախագահ Ռոբերտ Քոչարյանի Իտալիա կատարած պաշտոնական այցը, որը ՀՀ վարչապետի և Իտալիայի դեսպանի համոզմամբ, երկկողմ հարաբերությունները խթանելու և դրանց նոր թափ հաղորդելու առիթ դարձավ. «Ոչինչ այնքան մտերիմ չի դարձնում ազգերին, որքան մշակույթը», - ասել է վարչապետ Տիգրան Սարգսյանը և Հայաստանում երկու երկրների նախագահների հովանու ներքո ու կառավարությունների որոշմամբ անցկացված «Հայ-իտալական բարեկամության օրեր» փառատոնը, որի շրջանակներում տեղի են ունեցել 70-ից ավելի մշակութային միջոցառումներ, համարել է հարաբերություններն ամրապնդելու լավ օրինակ: Այս համատեքստում կարևորվել է նաև ՀՀ-ի և Իտալիայի կառավարությունների միջև 2003թ. ստորագրված մշակութային, կրթական, գիտական և տեխնիկական բնագավառներում համագործակցության մասին համաձայնագիրը:

Հայաստանի կառավարության ղեկավարը, տնտեսական փոխգործակցության ակտիվացման առումով, ցանկալի է համարել նաև ֆինանսական հատվածում սերտ գործակցությունը, մասնավորապես` իտալական բանկերի մուտքը հայկական շուկա: Մասիմո Լավեցո Կասինելին ևս այս ոլորտում համագործակցության մեծ ներուժ տեսնելով, բավարար չի համարել առկա մակարդակը և նշել է, որ իտալական կողմը ցանկություն ունի Հայաստանում ավելացնել ուղղակի ներդրումները. «Կարծում եմ, Ձեր կառավարության ծրագրում նախատեսվում է տնտեսական այնպիսի բարենպաստ միջավայրի ձևավորում, որը կխթանի գործարարների ներգրավմանը հայկական շուկա»,-ասել է դիվանագետը` ՀՀ վարչապետի հետ քննարկելով փոքր ու միջին ձեռնարկատիրության ոլորտում ստորագրված համագործակցության մասին Փոխըմբռնման հուշագրի շրջանակներում հնարավոր միջոցառումների իրականացման հետ կապված հարցեր: Իտալիայի դեսպանը նշել է նաև, որ տեղյակ է ՀՀ կառավարության ծրագրով Հայաստանի մրցունակության բարձրացման վերաբերյալ նախանշումներին և կարծում է, որ գլոբալիզացիայի այս ընդհանուր գործընթացում, աշխարհով մեկ սփռված հայությունն ավելի հետաքրքիր է դարձնում Հայաստանի ներգրավվածությունը այդ գործընթացին:


Վստահեցնելով, որ տնտեսական և մշակութային ոլորտներում մինչ այժմ իրականացված աշխատանքը իտալական կողմը շահագրգիռ և պատրաստակամ է շարունակել ու զարգացնել, դեսպան Մասիմո Լավեցո Կասինելին տեղեկացրել է, որ առաջիկայում նախատեսվում է նաև Հայաստանին հնագիտության բնագավառում աջակցություն` մասնավորապես, ռեստավրացիայի դպրոցի բացում:

Վարչապետը շնորհակալություն է հայտնել` նշելով, որ երկկողմ ամուր հարաբերությունների հիմքի վրա, հնարավոր է նոր զարգացումներ ապահովել ամենատարբեր բնագավառներում:


Մարտ 2024
ԵրկԵրքՉրքՀնգՈւրՇբթԿրկ
 123
45678910
11121314151617
18192021222324
25262728293031

-

Արխիվ