չորեքշաբթի, 30 ապրիլի 2008
Հայաստանի Հանրապետության վարչապետի պաշտոնում նշանակվելու կապակցությամբ, Տիգրան Սարգսյանին շնորհավորական ուղերձ է հղել Իրանի Իսլամական Հանրապետության նախագահի առաջին տեղակալ Փարվիզ Դավուդին: Ուղերձում, մասնավորապես, ասված է.
«Ջերմորեն շնորհավորում եմ Ձեզ և Հայաստանի կառավարությանն ու ժողովրդին` Հայաստանի Հանրապետության վարչապետի պաշտոնում Ձեր նշանակման կապակցությամբ:
Հուսով եմ, որ երկու երկրների ղեկավարների առավել համախոհությամբ` հարաճուն փոխհարաբերությունների և կառուցողական համագործակցության շարունակման և աշխուժացման, ինչպես նաև տարբեր ոլորտներում երկկողմ հարաբերությունների ընդլայնման ականատեսը կլինենք:
Բարձրյալից հայցում եմ Ձեզ քաջառողջություն և հաջողություններ, իսկ Հայաստանի կառավարությանն ու ժողովրդին` երջանկություն ու բարօրություն»:
***
Հայաստանի Հանրապետության վարչապետի պաշտոնում նշանակվելու առիթով, Տիգրան Սարգսյանին շնորհավորել է նաև Ալբանիայի բանկի կառավարիչ Արդիան Ֆուլլանին: Շնորհավորական խոսքում, մասնավորապես, ասված է.
«Չափազանց հաճելի էր լսել Հայաստանի Հանրապետության վարչապետի պաշտոնում Ձեր նշանակման մասին: Դա մեծ անձնական ձեռքբերում է: Խնդրում եմ ընդունել իմ ամենաջերմ շնորհավորանքներն ու մաղթում եմ հաջողություն Ձեր նոր պարտականությունների կատարման ընթացքում:
Իմ խորին համոզմամբ, Ձեր նշանակումը կուժեղացնի ձեր երկրի տնտեսական զարգացումն ու ժողովրդավարության ամրապնդումը, և, իհարկե, նոր ձևավորված կառավարության համար օգտակար կլինի ՀՀ կենտրոնական բանկի նախագահի պաշտոնում Ձեր երկարաժամկետ կառավարման ընթացքում ձեռք բերած փորձը: Որպես ՀՀ կենտրոնական բանկի նախագահ, Դուք կարևոր դերակատարություն եք ունեցել բարեփոխումների իրականացման գործընթացում, ինչը տնտեսության համար ապահովել է բարձր աճ ու կայունություն: Համոզված եմ, որ Դուք` Ձեր արհեստավարժության և տոկունության շնորհիվ, կշարունակեք հաջողությամբ դիմագրավել բոլոր մարտահրավերները»:
