երկուշաբթի, 28 ապրիլի 2008
Այսօր տեղի է ունեցել ՀՀ կառավարության արտահերթ նիստ, որը վարել է ՀՀ վարչապետ Տիգրան Սարգսյանը: Քննարկման է ներկայացվել ՀՀ կառավարության ծրագրի նախագիծը, որը ներկայացրել է ՀՀ էկոնոմիկայի նախարար Ներսես Երիցյանը: Նիստի սկզբում վարչապետը տեղեկացրել է, որ ծրագիրը մինչ այս քննարկվել է կոալիցիա կազմող բոլոր կուսակցությունների հետ, ստացվել են նրանց դիտողությունները և առաջարկությունները, որոնք ներառվել են ծրագրի մեջ: Դիտողություններ և առաջարկություններ է ներկայացրել նաև «Ժառանգություն» կուսակցությունը, որոնց զգալի մասը նույնպես ներառված է ծրագրի նախագծում:
Համաձայն ՀՀ Սահմանադրության 74-րդ հոդվածի, ՀՀ կառավարությունը որոշել է նիստում հնչած դիտողությունները և առաջարկությունները հաշվի առնելով, հավանություն տալ ՀՀ կառավարության ծրագրին` համաձայն հավելվածի, և այն ներկայացնել ՀՀ Ազգային Ժողով:
