չորեքշաբթի, 23 ապրիլի 2008
Հայաստանի Հանրապետության վարչապետի պաշտոնում նշանակվելու կապակցությամբ, Տիգրան Սարգսյանին շնորհավորական ուղերձ է հղել Մակեդոնիայի Հանրապետության Ազգային բանկի կառավարիչ Պետար Գոշեվը: Ուղերձում, մասնավորապես, ասված է.
«Պատիվ ունեմ հղելու Ձեզ իմ շնորհավորանքներն ու լավագույն բարեմաղթանքները՝ ՀՀ վարչապետի պաշտոնում նշանակվելու կապակցությամբ։ Բազմաթիվ անգամներ առիթ ունենալով համագործակցելու Ձեզ հետ` ԱՄՀ-ի այն ընտրախմբի շրջանակներում, որի անդամ է ներկայումս Հայաստանը, վստահ եմ, որ Դուք շարունակելու եք ջանքեր գործադրել հանուն առավել երջանիկ ու բարեկեցիկ Հայաստանի։
Այս առիթով, թույլ տվեք համոզմունք հայտնել, որ բոլոր ուղղություններով մեր երկկողմ ու բազմակողմ համագործակցությունը կշարունակի զարգանալ՝ ի շահ մեր երկրների և ժողովուրդների։ Մաղթում եմ հաջողություններ ՀՀ վարչապետի պաշտոնում և ակնկալում կրկին հանդիպել Ձեզ հետ առաջիկայում»։
* * *
Հայաստանի Հանրապետության վարչապետի պաշտոնում նշանակվելու առիթով, Տիգրան Սարգսյանին շնորհավորել է Միջազգային վճարումների բանկի նախագահ Յոզեֆ Թոսովսկին: Շնորհավորական խոսքում, մասնավորապես, ասված է.
«Հարգելի պարոն Սարգսյան,
Շնորհավորում եմ Ձեզ ՀՀ վարչապետի պաշտոնում նշանակվելու կապակցությամբ։ Օգտվելով առիթից՝ մաղթում եմ Ձեզ ամենայն բարիք և հաջողություններ այս նոր պաշտոնում և առաջիկա մարտահրավերների հաղթահարման գործում»։
