Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

azdararir

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

երկուշաբթի, 21 ապրիլի 2008

Հայաստանի Հանրապետության վարչապետ նշանակվելու կապակցությամբ, Տիգրան Սարգսյանին իր ջերմ շնորհավորանքներն ու բարեմաղթանքներն է հղել Չինաստանի Ժողովրդական Հանրապետության պետական խորհրդի նախագահ Վեն Ցզյաբաոն: Ուղերձում, մասնավորապես, ասված է.

«Վերջին տարիներին Հայաստանի կառավարությունն իր բոլոր ջանքերը կենտրոնացնում է ազգային տնտեսության զարգացման, ժողովրդի կյանքի բարելավման, սոցիալական կայունության ապահովման վրա, և հասել է նշանակալի հաջողությունների: Վստահ եմ, որ հայ ժողվուրդն անպայման ձեռք կբերի ավելի մեծ հաջողություններ` իր երկրի կառուցման գործում:

Դիվանագիտական հարաբերությունների հաստատումից հետո անցած 16 տարիներին հայ-չինական համագործակցության բարեկամական հարաբերությունները կայուն զարգացում են ապրում. ամրապնդվում է քաղաքական փոխըմբռնումը, աստիճանաբար խորանում է առևտրատնտեսական համագործակցությունը, հաջողությամբ է զարգանում երկկողմ գործակցությունը հումանիտար ոլորտում: Կողմերը սերտ կապեր ու շփումներ են պահպանում բազմաթիվ բնագավառներում: Հայ-չինական հարաբերությունների զարգացման հեռանկարները շատ լայն են, և ես պատրաստ եմ, Ձեզ հետ միասին, այսուհետ ևս խորացնել մեր ժողովուրդների բարեկամությունը, ջանքեր ներդնել տարբեր ոլորտներում գործարար համագործակցության խթանման համար:

Մաղթում եմ Ձեզ առողջություն և մեծ հաջողություններ բարձր պաշտոնում»:

                                                                                                   * * *

Հայաստանի Հանրապետության վարչապետի պաշտոնում նշանակվելու առիթով, Տիգրան Սարգսյանին շնորհավորել է Բելառուսի Հանրապետության ազգային բանկի վարչության նախագահ Պյոտր Պրոկոպովիչը: Շնորհավորական խոսքում, մասնավորապես, ասված է.

«Հարգելի Տիգրան Սուրենի,

Ընդունեք իմ շնորհավորանքները Հայաստանի Հանրապետության վարչապետի պաշտոնում նշանակվելու կապակցությամբ:

ՀՀ կենտրոնական բանկի նախագահի պաշտոնում Դուք զգալի ներդրում եք ունեցել բանկային համակարգի և ընդհանրապես երկրի տնտեսության հետագա զարգացման գործում:

Թույլ տվեք մաղթել Ձեզ քաջառողջություն, երջանկություն և հետագա հաջողություններ բարձր պետական պաշտոնում` ի բարօրություն հայ ժողովրդի:

Մշտապես ուրախ ենք տեսնել Ձեզ` հարգելի Տիգրան Սուրենի, բելոռուսական հողում և ակնկալում ենք հետագա բեղմնավոր համագործակցություն»:

                                                                                                   * * *

Հայաստանի Հանրապետության վարչապետ նշանակվելու կապակցությամբ, Տիգրան Սարգսյանին շնորհավորել է նաև Հայկական բարեգործական ընդհանուր միության նախագահ Պերճ Սեդրակյանը: Շնորհավորական խոսքում, մասնավորապես, ասված է.

«Հայկական բարեգործական ընդհանուր միության կեդրոնական վարչական ժողովին անունով և անձնապես կշնորհավորենք Ձեզ Հայաստանի Հանրապետության վարչապետի պաշտոնը ստանձնելու առիթով:

Ծանոթ ըլլալով հանրապետության տնտեսական և դրամատնային զարգացման ու կայունացման ուղղությամբ Ձեր կատարած կարևոր դերին ու փորձառության, համոզված ենք, որ Ձեր ներկա պաշտոնին մեջ լավագույնս պիտի կարենաք պահպանել և նոր նախաձեռնություններով հարստացնել մեր հայրենիքի բարգավաճման դժվար, բայց հուսալի ընթացքը:

ՀԲԸ Միությունը պիտի շարունակե իր բազմաբնույթ գործունեությունը և ներդրումները Հայաստանի մեջ, նպատակ ունենալով մասնավորաբար զորացնել սփյուռքահայ նոր սերունդի կապը մայր հայրենիքին հետ:

Ձեզի կփոխանցենք անկեղծ գործակցության մեր տրամադրությունը և կմաղթենք ուժ, եռանդ և արևշատություն` ամուր պահելու մեր երկրի նվաճումները և իրականացնելու նոր ծրագիրներ»:

Մարտ 2024
ԵրկԵրքՉրքՀնգՈւրՇբթԿրկ
 123
45678910
11121314151617
18192021222324
25262728293031

-

Արխիվ