ուրբաթ, 4 ապրիլի 2008
Այսօր տեղի է ունեցել ՀՀ կառավարության բարեգործական ծրագրերի համակարգման հանձնաժողովի հերթական նիստը, որը վարել է հանձնաժողովի նախագահ Սիմոն Տեր-Սիմոնյանը:
Հանձնաժողովը քննարկել է 6 բարեգործական ծրագիր: Մասնավորապես, քննարկվել և հաստատվել են` «Հայաստան» համահայկական հիմնադրամի կողմից իրականացվող ՀՀ Երևան քաղաքի թիվ 78 միջնակարգ դպրոցի կահավորման, «Մայր Աթոռ Սուրբ Էջմիածնի Արաբկիրի Հայորդաց տան ջեռուցման համակարգի մասնակի վերանորոգման շինարարական աշխատանքների իրականացում», «Վորլդ Վիժն Ինտերնեյշնլ» միջազգային բարեգործական կազմակերպության կողմից իրականացվող «Խաղահրապարակի կառուցում Սյունիքի մարզի Անգեղակոթ, Շաղաթ, Դարբաս և Հալիձոր համայնքների մանկապարտեզների բակերում», «Բարեգործական բեռների ներմուծում և անհատույց բաշխում Գավառի տարածաշրջանում» և «Բարեգործական բեռների ներմուծում և անհատույց բաշխում Վարդենիսի և Ճամբարակի տարածաշրջաններում» ծրագրերը:«Հայկական ակնաբուժության նախագիծ» բարեգործական հիմնադրամի կողմից իրականացվող ծրագրի նպատակն է` հասանելի և մատչելի դարձնել ակնաբուժական ծառայություններն ու նվազեցնել ձեռք բերովի կուրությունը բնակչության շրջանում:
Նիստում քննարկվել և հաստատվել են նաև նախկինում հաստատված ծրագրերի շրջանակներում իրականացվող հարակից գործարքներ և տարբեր կազմակերպությունների հասցեներով ուղարկված բարեգործական բեռների ներմուծման ծրագրեր: