Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

չորեքշաբթի, 10 հուլիսի 2002

Այսօր ՀՀ վարչապետ Անդրանիկ Մարգարյանն ընդունել է Իրանի Իսլամական Հանրապետության էներգետիկայի նախարար Հաբիբ Օլլան Բիթարաֆին և նրան ուղեցկող պատվիրակությանը: Նշելով, որ երկու երկրների‘ ՀՀ-ի և ԻԻՀ-ի միջև բարեկամական հարաբերությունները տարեցտարի ավելի են սերտանում, վարչապետն ընդգծել է մինչ այժմ ձեռք բերված պայմանավորվածությունների, համագործակցության ծրագրերի իրագործման ուղղությամբ երկուստեք ցուցաբերվող հետևողականությունը: Քաղաքական համաձայնությունները, որ ամրագրվել և ամրապնդվել են երկու երկրների ղեկավարների հանդիպման արդյունքում, ըստ վարչապետ Անդրանիկ Մարգարյանի, իրենց գործնական արտացոլումը պետք է գտնեն նաև տնտեսական ոլորտում փոխգործակցության ընդլայնման միջոցով: Այդ առումով, կարևորվել է էներգետիկ ոլորտում նախատեսված ծրագրերի ժամանակին իրագործումը, որի համար շահագրգիռ են երկու պետություններն էլ: Հանդիպման ընթացքում ընդգծվել է ՀՀ և ԻԻՀ էներգետիկայի նախարարությունների միջև Թեհրանում ստորագրված համագործակցության վերաբերյալ Փոխըմբռնման հուշագրով նախատեսված գործակցությունը երեք հիմնական ծրագրերի ուղղությամբ‘ Ագարակի փոխանջատիչ կետի շինարարության ավարտ, Սյունիք-Կենտրոն բարձրավոլտ էլեկտրահաղորդակցման գծի կառուցում և Արաքս գետի հիդրոէներգետիկ ներուժի օգտագործման տեխնիկատնտեսական հիմնավորման աշխատանքների իրականացում: Նախարար Հ.Բիթարաֆը գոհունակությամբ նշել է, որ ընդամենը մեկ ամիս հետո կավարտվի Ագարակի փոխանջատիչ կետի շինարարությունը: ՀՀ վարչապետի հետ նա խոսել է նաև ջրային տնտեսության կառավարման ոլորտում համագործակցության ծրագրի մասին, որի ուղղությամբ, նրա հավաստմամբ, արդեն իսկ հաջող բանակցություններ են սկսվել: Ռազմավարական նշանակության խնդիր համարելով Հայաստանի և Իրանի միջև հարաբերությունների ամրապնդումն ու զարգացումը, ԻԻՀ էներգետիկայի նախարարը նշել է, որ նախանշված ծրագրերը ոչ թե առևտրային, այլ հիմնականում տարածաշրջանային հեռահար նպատակ են հետապնդում: Նա կարևորել է դրանց հստակ նախանշումը ըստ ժամկետների‘ կարճաժամկետ, միջնաժամկետ և երկարաժամկետ ծրագրեր: Վարչապետ Անդրանիկ Մարգարյանն իր հերթին շեշտել է, որ համագործակցությունը երկու երկրների միջև միտված է նաև համատեղ ուժերով տարածաշրջանային խնդիրների լուծմանը. «Տարածաշրջանային ընդհանուր շահերը ստիպում են մեզ ավելի ակտիվ և գործնական բնույթ հաղորդել մեր համագործակցությանը», -նշել է վարչապետ Անդրանիկ Մարգարյանը:
Հոկտեմբեր 2021
ԵրկԵրքՉրքՀնգՈւրՇբթԿրկ
 123
45678910
11121314151617
18192021222324
25262728293031

-

Արխիվ