երկուշաբթի, 3 մարտի 2008
Վրաստանի ու Հայաստանի ժողովրդական արտիստուհի Սոֆիկո Ճիաուրելիի մահվան կապակցությամբ, ՀՀ նորընտիր նախագահ, ՀՀ վարչապետ Սերժ Սարգսյանը ցավակցական հեռագիր է հղել, որում, մասնավորապես, ասված է.
«Ցավով ստացա տաղանդավոր դերասանուհի, Վրաստանի ու Հայաստանի ժողովրդական արտիստուհի Սոֆիկո Ճիաուրելիի մահվան գույժը: Անհնար է գերագնահատել նրա կարևորությունը վրաց մշակույթի, կինոյի ու թատրոնի համար: Հնարավոր չէ կեղծել նրա արվեստի նկատմամբ սերն ու պատկառանքը: Իր կյանքով ու գործունեությամբ նա կամրջում էր մշակույթներ, ամրապնդում մեր եղբայրական ժողովուրդների բարեկամությունը:
Խորապես ցավակցում եմ վրաց ժողովրդին, Սոֆիկո Ճիաուրելիի ընտանիքի անդամներին ու հարազատներին, նրա արվեստի բազմահազար երկրպագուներին»: