Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

azdararir

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

երկուշաբթի, 25 փետրվարի 2008



ՀՀ վարչապետ Սերժ Սարգսյանն այսօր ընդունել է Եվրոպայի խորհրդի նախարարների կոմիտեի նախագահ, Սլովակիայի Հանրապետության արտաքին գործերի նախարար Յան Կուբիշին և նրա գլխավորած պատվիրակությանը:



Հանդիպման ժամանակ կողմերը քննարկել են ինչպես երկկողմ հարաբերություններին, այնպես էլ եվրաինտեգրման գործընթացի հետագա խորացման գործում Հայաստանին` ԵՄ անդամ Սլովակիայի կողմից հնարավոր աջակցության, համագործակցության հետ կապված հարցեր:



Վարչապետ Սերժ Սարգսյանը նշել է, որ Հայաստանը շահագրգիռ է Սլովակիայի հետ քաղաքական ակտիվ երկխոսության հաստատմամբ ու տնտեսական կապերի զարգացմամբ, և որպես Եվրոպայի Խորհրդի անդամ երկիր, Հայաստանն ամբողջովին պաշտպանում է Սլովակիայի արտգործնախարարի նախագահությամբ ԵԽ նախարարների կոմիտեի նախաձեռնությունները:



Եվրոպայի խորհրդի նախարարների կոմիտեի նախագահ, Սլովակիայի Հանրապետության արտաքին գործերի նախարար Յան Կուբիշը հանդիպման սկզբում նախ շնորհավորել է ՀՀ վարչապետին` Հայաստանում կայացած նախագահական ընտրությունների կապակցությամբ և այդ ընտրությունների արդյունքներով պայմանավորված` Սերժ Սարգսյանի հաղթանակի առթիվ, մաղթելով նրան հաջողություններ երկրի ղեկավարի բարձր ու պատասխանատու աշխատանքում: Պարոն Կուբիշը նշել է իր համար հիմք համարվող միջազգային դիտորդական առաքելությունների կողմից ընտրություններին տված գնահատականը, որտեղ դրականի հետ միասին նշվել են նաև դեռևս առկա խնդիրները: Նա ընդգծել է, որ հեղինակավոր այդ կազմակերպությունները, որոնք վերջին 15 տարիներին աշխարհի բազմաթիվ երկրներում դիտորդական առաքելություններ են իրականացրել և շատ լավ պատկերացնում են իրավիճակը, ՀՀ խորհրդարանական ընտրություններից հետո ևս մեկ քայլ առաջ են գնահատում նախագահական ընտրությունները, ինչը Հայաստանի համար շատ կարևոր է: Նա գնահատելի է համարել քաղաքական ուժերին ուղղված` Սերժ Սարգսյանի հանդուրժողականության, զսպվածության կոչը, ինչը, ըստ Յան Կուբիշի, խոսում է առկա խնդիրները օրենքի շրջանակներում և քաղաքական ճանապարհով լուծելու ՀՀ վարչապետի պատրաստակամության մասին:



Հյուրի խնդրանքով Սերժ Սարգսյանն անդրադարձել է նաև հետընտրական գործընթացներին, ԵՄ-ի և ՆԱՏՕ-ի հետ Հայաստանի համագործակցության հեռանկարին ու ընթացիկ ծրագրերին, հայ-թուրքական հարաբերությունների և ԼՂ հակամարտության կարգավորման գործընթացներին, ինչպես նաև հայ-սլովակյան կապերի սերտացման անհրաժեշտությանը: Անդրադառնալով երկկողմ առևտրատնտեսական հարաբերություններին, երկուստեք ընդգծվել է, որ չնայած առկա ներուժին, դրանք դեռևս բավարար չեն: Տնտեսական համագործակցության հետագա զարգացման համար Սերժ Սարգսյանը և Յան Կուբիշը կարևորել են համապատասխան իրավական դաշտի ապահովումը, Հայաստանի և Սլովակիայի գործարարների միջև կապերի ակտիվացման և ներդրումների համար առավել նպաստավոր պայմանների ստեղծումը:



 

Մարտ 2024
ԵրկԵրքՉրքՀնգՈւրՇբթԿրկ
 123
45678910
11121314151617
18192021222324
25262728293031

-

Արխիվ