երկուշաբթի, 15 ապրիլի 2002
Այսօր ՀՀ վարչապետ Անդրանիկ Մարգարյանն ընդունեց Բելառուսի Հանրապետության ներքին գործերի նախարար, միլիցիայի գնդապետ Վլադիմիր Նաումովին, որը նաև ԱՊՀ անդամ երկրների ներքին գործերի նախարարների խորհրդի նախագահն է: Պրն Նաումովը և հանդիպմանը ներկա իր հայ գործընկեր ՀՀ ՆԳ նախարար Հայկ Հարությունյանը վարչապետին ներկայացրին մինչ այժմ երկու երկրների ՆԳ նախարարությունների միջև համագործակցության բարձր մակարդակը, ընդգծելով, որ այդ ընթացքում երբեք խնդիրներ չեն ծագել և փոխգործակցությունը զարգացել է միանգամայն արդյունավետորեն: Նախարարները նաև տեղեկացրին երևանյան հանդիպման ընթացքում միմյանց հետ ձեռք բերած պայմանավորվածությունների արդյունքների մասին, նշելով, որ մշակվել են փոխհարաբարությունների զարգացմանն ուղղված հետագա քայլերը, ստորագրվել է համապատասխան համաձայնագիր:
