Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

շաբաթ, 29 դեկտեմբերի 2007

Այսօր տեղի է ունեցել ՀՀ կոռուպցիայի դեմ պայքարի խորհրդի նիստ, որը վարել է խորհրդի նախագահ, ՀՀ վարչապետ Սերժ Սարգսյանը:

Խորհուրդը քննարկել է 2008-2012թթ. կոռուպցիայի դեմ պայքարում հիմնական անելիքները: Մասնավորապես, նիստում հավանության են արժանացել ՀՀ նոր հակակոռուպցիոն ռազմավարության և դրա իրականացման 2008-2012թթ. միջոցառումների ծրագրի աշխատանքների կատարման տեխնիկական առաջադրանքը, ռազմավարության և միջոցառումների ծրագրի մշակման ժամանակացույցը, ինչպես նաև ի գիտություն է ընդունվել միջազգային կազմակերպությունների հետ ՀՀ հակակոռուպցիոն ռազմավարության իրականացման մոնիտորինգի հանձնաժողովի համագործակցության մասին տեղեկատվությունը:

Տեխնիկական առաջադրանքի վերաբերյալ ՀՀ հակակոռուպցիոն ռազմավարության իրականացման մոնիտորինգի հանձնաժողովի նախագահ, ՀՀ նախագահի օգնական Գևորգ Մհերյանը նշել է, որ փաստաթուղթը ե՛ւ մոնիտորինգի հանձնաժողովում, ե՛ւ շահագրգիռ բոլոր կողմերի հետ լայն քննարկումներ է անցել, ու այժմ ակնկալվում է կոռուպցիայի դեմ պայքարի խորհրդի անդամներից ստանալ առաջարկություններ: Տեխնիկական առաջադրանքը, ըստ զեկուցողի, բաղկացած է 6 գլխից, որի առաջին գլուխը 2003-2007թթ. հակակոռուպցիոն ռազմավարության և դրա միջոցառումների իրականացման ծրագրի ամփոփումն է, երկրորդը` նախանշում է հակակոռուպցիոն նոր քաղաքականությունը, հաջորդ գլուխներում ներկայացված են կոռուպցիայի դեմ պայքարի հիմնական միջոցները, հակակոռուպցիոն քաղաքականությունը հանրային կառավարման, տնտեսության առանձին ոլորտներում ու ճյուղերում, ռազմավարության և միջոցառումների ծրագրի մոնիտորինգի և գնահատման համակարգը, ինչպես նաև 2008-2012թթ. ծրագրի իրականացման միջոցառումները:

Խորհրդի անդամները բարձր են գնահատել փաստաթուղթը, ներկայացնելով մի քանի խմբագրական բնույթի առաջարկություններ, որոնք նկատի կառնվեն տեխնիկական առաջադրանքում:

Վարչապետը վստահություն է հայտնել, որ հակակոռուպցիոն ռազմավարության և դրա իրականացման միջոցառումների ծրագիրը շատ լավ կարելի է զուգակցել երկրորդ սերնդի բարեփոխումների հետ: Սերժ Սարգսյանը չափազանց կարևոր է համարել ծրագրի մշակման և իրականացման փուլում հասարակության լայն ներգրավվածությունը, մասնակցությունը կատարվող աշխատանքներին, նշելով, որ մասնակցային լայն գործընթացը ծրագրի նկատմամբ հանրության ավելի մեծ վստահության և իրականացվելիք աշխատանքների արդյունավետության բարձրացման կարևոր գործոն է:

Մոնիտորինգի հանձնաժողովի նախագահը, այդ կապակցությամբ նշել է, որ ծրագիրը, ըստ ռազմավարության, նախատեսում է ունենալ մոնիտորինգի, այդ թվում` հասարակությանը հաշվետվողականության համակարգ:

Խորհրդի հավանությանն արժանացած ՀՀ նոր հակակոռուպցիոն ռազմավարության և դրա իրականացման միջոցառումների ծրագրի մշակման ժամանակացույցով նախատեսվել է ծրագրի մշակումն իրականացնել ինն ամսում` փորձագիտական խմբի ձևավորումից հետո:

Օրակարգի հաջորդ հարցի վերաբերյալ ներկայացվել է, որ ՀՀ հակակոռուպցիոն ռազմավարության իրականացման մոնիտորինգի հանձնաժողովը, ՀՀ նոր հակակոռուպցիոն ռազմավարության նախագծի նախապատրաստական աշխատանքների կազմակերպման շրջանակներում, համագործակցել է ՀՀ-ում գործող մի շարք միջազգային կազմակերպությունների ներկայացուցիչների հետ: Ընդգծվել է, որ, մասնավորապես, ԵԱՀԿ հայաստանյան գրասենյակը 2007թ. իր օժանդակությունն է ցուցաբերել կոռուպցիայի դեմ պայքարին ուղղված մի շարք ծրագրերի իրականացման, ինչպես նաև ՀՀ նոր հակակոռուպցիոն ռազմավարության և դրա իրականացման 2008-2012թթ. միջոցառումների ծրագրի տեխնիկական առաջադրանքի մշակման աշխատանքներին, որը կշարունակվի նաև 2008թ.-ին: Եվրոպայի խորհրդի գլխավոր քարտուղարի հատուկ ներկայացուցիչը ևս իր պատրաստակամությունն է հայտնել աջակցելու նոր ռազմավարության մշակմանը` ռազմավարության նախագծի վերաբերյալ փորձաքննության և նախագծման ընթացքում սեմինար-պարապմունքների կազմակերպման միջոցով: Միացյալ ազգերի զարգացման ծրագիրը (ՄԱԶԾ) նախատեսում է, ՀՀ կառավարության հետ համագործակցությամբ, 2008թ. շարունակել աշխատանքները ԶԼՄ-ների կարողությունների զարգացման, մարզերում քաղաքացիների իրազեկման գործընթացի ակտիվացման ուղղությամբ: ԱՄՆ միջազգային զարգացման գործակալության օժանդակության 2007թ. հուլիսին մեկնարկած Հակակոռուպցիոն գործունեության մոբիլիզացման եռամյա ծրագրի նպատակը ևս, ըստ հարցը զեկուցող Գևորգ Մհերյանի, կոռուպցիայի նվազեցումն է` համակարգային և ընթացակարգային բարեփոխումների իրականացմանն ուղղված բողոքների արձագանքման մեխանիզմի ստեղծման, ընտրված պետական մարմինների հետ հակակոռուպցիոն նախաձեռնությունների մշակման և իրականացման, կոռուպցիայի դեմ գործողությունների համախմբման նպատակով` հասարակական կազմակերպությունների կողմից նոր մոտեցումների մշակման, երիտասարդության և մեծահասակների շրջանում կոռուպցիայի հետևանքների վերաբերյալ իրազեկվածության մեծացման ծրագրային բաղադրիչների միջոցով:

Նոյեմբեր 2019
ԵրկԵրքՉրքՀնգՈւրՇբթԿրկ
 123
45678910
11121314151617
18192021222324
252627282930 

-

Արխիվ