Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

չորեքշաբթի, 31 հոկտեմբերի 2007


ՀՀ վարչապետ Սերժ Սարգսյանն այսօր ընդունել է ԵԱՀԿ երևանյան գրասենյակի նորանշանակ ղեկավար, դեսպան Սերգեյ Կապինոսին:


Շնորհավորելով պարոն Կապինոսին նշանակման կապակցությամբ` վարչապետը վստահություն է հայտնել, որ նրա գործունեության շրջանում ևս ԵԱՀԿ երևանյան գրասենյակի հետ ՀՀ կառավարության արդյունավետ համագործակցությունը կշարունակվի և ընդգծել է ՀՀ կառավարության պատրաստակամությունն այդ գործակցությունը զարգացնելու հարցում:


ԵԱՀԿ երևանյան գրասենյակի ղեկավարը նշել է, թե իր խնդիրը Հայաստանում պետական և հասարակական հաստատությունների հետ ԵԱՀԿ գրասենյակի արդեն ձևավորված ու լավ ավանդույթներ ունեցող սերտ համագործակցությունը շարունակելն ու ընթացիկ ծրագրերն ավարտելուց հետո, 2008թ.-ի մարտից վերոնշյալ հաստատությունների հետ ակտիվ երկխոսության և քննարկումների արդյունքում, փոխգործակցության նոր ծրագրերի մշակումն է: Ըստ դեսպան Կապինոսի, համագործակցության հնարավոր ուղղությունները շատ են` բնապահպանություն, սոցիալական բնագավառ, ոստիկանության բարեփոխումներին աջակցություն, մարզային զարգացման ծրագրեր, մարդու իրավունքների պաշտպանություն, արագ արձագանքման համակարգի ստեղծմանն աջակցություն և այլն: Հայաստանում ԵԱՀԿ երևանյան գրասենյակի կողմից իրականացված և ԵԱՀԿ անդամ երկրներում մեծ արձագանք գտած ծրագրերից մեկի` հրթիռային վառելիքի վերամշակման «Մելանժ» ծրագրի օրինակով, Սերգեյ Կապինոսի հավաստմամբ, հնարավոր է 2008թ. ևս այդօրինակ խոշոր և արդյունավետ ծրագրերի նախատեսումն ու իրագործումը:


ԵԱՀԿ երևանյան գրասենյակի ղեկավարն առանձնապես կարևորել է տարածաշրջանային ծրագրերի իրականացման ուղղությամբ աշխատանքը, ընդգծելով, որ սկզբնական շրջանում փոխշահավետ այնպիսի նախագծերի իրագործումը` ինչպիսիք հնարավոր են, օրինակ, ջրօգտագործման, հանքարդյունաբերության ու բնապահպանության ոլորտներում, կարող են տարածաշրջանի երկրների միջև համագործակցության սկիզբ դնել, այդպիսով նաև վստահության որոշակի հիմք ստեղծել ու նպաստել առկա հակամարտությունների կարգավորմանը: Վարչապետ Սերժ Սարգսյանն ընդգծել է, որ Հայաստանը մշտապես կարևորել և հանդես է եկել նման առաջարկությամբ ու այժմ էլ վերահաստատում է փոխշահավետ ծրագրերի շուրջ տարածաշրջանային համագործակցության պատրաստակամությունը:


Անդրադառնալով Լեռնային Ղարաբաղի հակամարտության կարգավորման գործընթացին` Սերժ Սարգսյանը ևս մեկ անգամ ընդգծել է Հայաստանի դիրքորոշումը, ըստ որի հակամարտության կարգավորման առավել արդյունավետ ձևաչափը ԵԱՀԿ Մինսկի խմբի շրջանակում ընթացող բանակցություններն են: Վարչապետը նշել է, թե Հայաստանի Հանրապետությունը սատարում է Լեռնային Ղարաբաղի հակամարտության կողմերի միջև փոխվստահության միջոցների ստեղծմանն ու ամրապնդմանը, այդ նպատակին ուղղված քայլերը` համոզված լինելով, որ դա կնպաստի խաղաղության հաստատման ջանքերին:


Հանդիպման ավարտին վարչապետը հաջողություն է մաղթել դեսպան Սերգեյ Կապինոսին` ԵԱՀԿ երևանյան գրասենյակը ղեկավարելու նրա գործունեության ամբողջ ընթացքում:

Հուլիս 2020
ԵրկԵրքՉրքՀնգՈւրՇբթԿրկ
 12345
6789101112
13141516171819
20212223242526
2728293031 

-

Արխիվ