Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

երկուշաբթի, 29 հոկտեմբերի 2007


ՀՀ վարչապետ Սերժ Սարգսյանն այսօր ընդունել է Վերակառուցման և զարգացման եվրոպական բանկի (ՎԶԵԲ) առաջին փոխնախագահ Վարել Ֆրիմենին և նրա գլխավորած պատվիրակությանը:


Գոհունակություն հայտնելով Վերակառուցման և զարգացման եվրոպական բանկի հետ մեր երկրի համագործակցության ընթացքից` վարչապետը հույս է հայտնել, որ այդ արդյունավետ փոխգործակցությունն այսուհետ ևս հաջողությամբ կշարունակվի:


Վարել Ֆրիմենը ևս բարձր է գնահատել ինչպես ՀՀ կառավարության, այնպես էլ Հայաստանի մասնավոր հատվածի հետ ՎԶԵԲ-ի արդյունավետ գործակցությունը: Նա ընդգծել է, որ ՎԶԵԲ-ը ակտիվ դերակատարություն ունի Հայաստանում, որտեղ արդեն բանկի աշխատակազմը կրկնապատկվել է, իսկ գործառնությունների քանակը` անշեղորեն աճում է: Պարոն Ֆրիմենը գոհունակությամբ նշել է, որ այն բոլոր ոլորտները, որոնցում եվրոպական բանկը համագործակցում է մեր երկրի հետ` գործարար միջավայրի բարելավում, էներգետիկա, ֆինանսական հատված, բնապահպանություն և հանքարդյունաբերություն, հարկային և մաքսային բարեփոխումներ, նաև ՀՀ կառավարության համար են առաջնահերթություններ: Կարևորելով արդյունավետ գործարար միջավայրի ձևավորման, մասնավորապես, փոքր ու միջին ձեռնարկատիրության զարգացման գործում փորձառությունը, Ֆրիմենն ընդգծել է, որ ՎԶԵԲ-ը պատրաստ է այդ ոլորտում կուտակած իր փորձը փոխանցել նաև Հայաստանի կառավարությանը: Մանավանդ որ, ըստ նրա, ՀՀ վարչապետին առընթեր գործող Գործարարության աջակցման խորհուրդը ևս կարևոր օղակ է գործարարների հետ ուղղակի երկխոսության համար: Վարել Ֆրիմենը նշել է, որ եվրոպական բանկը լավ հնարավորություններ ունի նաև բնապահպանության և հանքարդյունաբերության ոլորտում Հայաստանին աջակցելու համար` հատկապես ոլորտի իրավական կանոնակարգման առումով: Նա ՀՀ վարչապետին հավաստիացրել է, որ եվրոպական բանկը կօգտագործի թե՛ իր, և թե՛ միջազգային դոնորներից ներգրավված միջոցները` մեր երկրի տեղական արդյունաբերողներին անհրաժեշտ աջակցություն ցուցաբերելու, ֆինանսական, բանկային ոլորտում մրցակցության մեծացմանն օժանդակելու համար:


Կարևորելով եվրոպական բանկի հետ համագործակցության հետագա զարգացումը, վարչապետ Սերժ Սարգսյանը հավաստիացրել է, որ ՀՀ կառավարությունը շարունակելու է հաստատակամորեն ջանքեր գործադրել նշված բոլոր ուղղություններով ընթացող բարեփոխումների իրականացման նպատակով: Պարոն Ֆրիմենը, իր հերթին, նշել է, որ Հայաստանը զարգացման ճիշտ ուղղությամբ է ընթանում. «Մենք վստահությամբ ենք նայում մեր միասնական ապագային»,-ընդգծել է Եվրոբանկի առաջին փոխնախագահը:


Վարչապետ Սերժ Սարգսյանը ևս վստահություն է հայտնել, որ ՎԶԵԲ-ի հետ գործակցությունը այսուհետ էլ միմիայն դրական արդյունքներ կապահովի:


 

Օգոստոս 2019
ԵրկԵրքՉրքՀնգՈւրՇբթԿրկ
 1234
567891011
12131415161718
19202122232425
262728293031 

-

Արխիվ