Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

չորեքշաբթի, 10 հոկտեմբերի 2007


 ՀՀ վարչապետ Սերժ Սարգսյանն այսօր ընդունել է Հայաստանում Ավստրիայի Հանրապետության արտակարգ և լիազոր դեսպան Դր. Մարիուս Կալիգարիսին (նստավայրը` Վիեննա), որը համատեղության կարգով դեսպան է նշանակվել հարավկովկասյան երեք հանրապետություններում: Դեսպանը ՀՀ վարչապետի հետ քննարկել է տարբեր բնագավառներում հայ-ավստրիական հարաբերությունների զարգացմանն առնչվող հարցերի լայն շրջանակ, վստահեցնելով, որ երկու երկրների միջև համագործակցության ու հարաբերությունների ամրապնդման նպատակով պատրաստ է հարկ եղած դեպքում, ավելի հաճախակի այցելել Հայաստան: Երկուստեք նշվել է, որ հայ-ավստրիական քաղաքական հարաբերությունները վերջին տարիներին զգալիորեն աշխուժացել են, ինչը այդ հարաբերությունները առավել խորացնելու` կողմերի շահագրգռության վկայությունն է:


Հայաստանը, ըստ վարչապետի, նաև եվրոպական ինտեգրացման քաղաքականության համատեքստում է տարեցտարի զարգացնում հարաբերությունները ԵՄ անդամ երկրների հետ: Սերժ Սարգսյանը գոհունակությամբ է խոսել Ավստրիայի հետ երկկողմ և բազմակողմ ձևաչափով համագործակցության մասին, ընդգծելով միջազգային կառույցներում ևս փոխշահավետ գործակցությունը և հատկապես ԼՂ հակամարտության կարգավորման հարցի վերաբերյալ Ավստրիայի հավասարակշռված ու անկողմնակալ դիրքորոշումը:


ՀՀ վարչապետը և Ավստրիայի Հանրապետության դեսպանը կարևորել են քաղաքական հարաբերությունների զարգացմանը զուգընթաց տնտեսական փոխգործակցության զարգացումը, ինչին է կոչված նաև հայ-ավստրիական առևտրատնտեսական և գիտատեխնիկական համագործակցության միջկառավարական հանձնաժողովը: Դեսպան Դր. Մարիուս Կալիգարիսը նշել է, թե հանձնաժողովի վերջին նիստում նկատելի էր Հայաստանի տնտեսության նկատմամբ ավստրիական ընկերությունների հետաքրքրվածությունը, որն արդեն հայկական շուկայում որոշ չափով դրսևորվում է: Դեսպանի համոզմամբ, երկու երկրների միջև տնտեսական համագործակցության լայն հնարավորություններ կան, և ջանքերը պետք է նպատակաուղղել այդ հնարավորությունների լիարժեք օգտագործմանն ու ապրանքաշրջանառության ծավալների մեծացմանը:


Հանդիպման ընթացքում ՀՀ վարչապետ Սերժ Սարգսյանը և ՀՀ-ում Ավստրիայի դեսպանը անդրադարձել են նաև ԼՂ հակամարտության կարգավորման գործընթացին:

Դեկտեմբեր 2019
ԵրկԵրքՉրքՀնգՈւրՇբթԿրկ
 1
2345678
9101112131415
16171819202122
23242526272829
3031 

-

Արխիվ