Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

ուրբաթ, 28 սեպտեմբերի 2007


ՀՀ վարչապետ Սերժ Սարգսյանն այսօր ընդունել է ՀՀ արտաքին գործերի նախարարության կենտրոնական ապարատի և արտերկրում հավատարմագրված ՀՀ դիվանագիտական ներկայացուցչությունների ու հյուպատոսական հիմնարկների ղեկավարներին, որոնք Երևանում են գտնվում ամենամյա հավաքի առիթով:


Հանդիպման ժամանակ վարչապետը նշել է, որ խորհրդարանական ընտրությունների հաջող անցկացումից հետո, լավ հնարավորություններ են բացվել արտերկրում մեր երկիրը լավագույնս ներկայացնելու և շահեկան պայմաններ ստեղծելու համար: Այդ նպատակով, նա կարևորել է դիվանագիտական կորպուսի աշխատանքի առավել ակտիվացումը: Կառավարության ղեկավարը դիվանագետների ուշադրությունն է հրավիրել երկու կարևոր խնդրի վրա` այլ պետություններում ՀՀ քաղաքացիների իրավունքների ու հայկական ընկերությունների շահերի պաշտպանության ուղղությամբ աշխատանքի ակտիվացումը և տնտեսական հարցերով այսուհետ ավելի նպատակային ու ակտիվ գործունեություն ծավալելը: Սերժ Սարգսյանը նշել է դեսպանությունների կողմից որոշակի ծրագրերի, նոր նախաձեռնությունների ներկայացման անհրաժեշտությունը: Վարչապետը, Հայաստանի տնտեսական զարգացման կարևոր պայմաններից է համարել արտասահմանյան խոշոր ընկերությունների լայն ներգրավվածությունը մեր երկրի տնտեսության մեջ, որոնք, ըստ նրա, բերում են որոշակի ոլորտներում գործունեություն ծավալելու իրենց հարուստ փորձը, ստեղծում նոր աշխատատեղեր և կարող են նպաստել Հայաստանի նկատմամբ իրենց պետությունների հետաքրքրության աճին ու համակրանքին:


Վարչապետը վստահեցրել է, որ կառավարությունն անում է հնարավորը` արտերկրում մեր դիվանագիտական ներկայացուցչությունների համար աշխատանքային բարենպաստ պայմաններ ստեղծելու նպատակով` ընդգծելով, որ ՀՀ արտաքին գործերի նախարարության կողմից 2008թ. համար արված գրեթե բոլոր առաջարկությունները հաշվի են առնվել և արտացոլված են ՀՀ պետական բյուջեի նախագծում. «Ըստ այդմ, մեծ են նաև իրականացվելիք աշխատանքից կառավարության ակնկալիքները», - նշել է վարչապետը, - հավելելով, որ իհարկե, բոլոր խնդիրները միանգամից չեն կարող լուծվել, սակայն երկրի տնտեսական աճին համընթաց, առաջնահերթ հարցերը լուծում կստանան:


Հանդիպման ժամանակ վարչապետը պատասխանել է դիվանագետներին հետաքրքրող հարցերին, լսել նրանց տեսակետները` կառավարության հետ համագործակցված աշխատելու դեպքում, ցանկալի արդյունքների հասնելու վերաբերյալ:


ՀՀ արտաքին գործերի նախարարը և դեսպանները շնորհակալություն են հայտնել վարչապետին և կառավարությանը` իրենց գործունեության ընթացքում մշտական ուշադրություն և աջակցություն ցուցաբերելու համար:

Հունիս 2020
ԵրկԵրքՉրքՀնգՈւրՇբթԿրկ
1234567
891011121314
15161718192021
22232425262728
2930 

-

Արխիվ