Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

azdararir

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

հինգշաբթի, 6 սեպտեմբերի 2007



ՀՀ վարչապետ Սերժ Սարգսյանն այսօր ընդունել է Երևանի քաղաքապետի հրավերով պաշտոնական այցով Հայաստան ժամանած Դելիի գլխավոր նախարար տիկին Շեյլա Դիքշիթին:



Ողջունելով տիկին Դիքշիթին և նրա գլխավորած պատվիրակությանը, վարչապետը գոհունակություն է հայտնել Հայաստանի և Հնդկաստանի միջև համագործակցության զարգացումից, ինչի վկայությունն են, ըստ նրա, վերջին տարիներին հաճախակի դարձած բարձր մակարդակի փոխայցելությունները, այդ թվում նաև Դելիի գլխավոր նախարարի առաջին պաշտոնական այցը մեր երկիր:



Շնորհակալություն հայտնելով ջերմ ընդունելության համար, տիկին Դիքշիթը նշել է, որ տպավորված է անկախացումից հետո քաղաքական, տնտեսական և այլ ասպարեզներում Հայաստանի ունեցած հաջողություններով, ընդգծելով, որ Հնդկաստանը պատրաստակամ է աջակցելու մեր երկրին հետագա առաջընթացի հարցերում` սերտացնելով համագործակցությունը գյուղատնտեսության, առողջապահության, մշակույթի և այլ բնագավառներում: Կրթության ոլորտում փոխգործակցության մեջ երկուստեք կարևորվել են, մասնավորապես, ուսանողների փոխանակման, պետական մակարդակով միմյանց դիպլոմների փոխադարձ ճանաչման հարցերը:



Վարչապետ Սերժ Սարգսյանը ևս ընդգծել է երկու երկրների միջև հատկապես տնտեսական կապերը խթանելու, ապրանքաշրջանառության, ներդրումների ծավալներն ավելացնելու կարևորությունը, այդ առիթով գոհունակություն հայտնելով Հայաստանի գործարանների վերագործարկման նկատմամբ հնդիկ գործարարների հետաքրքրվածության կապակցությամբ: Նա նշել է, որ ի լրումն վերոնշյալ ոլորտների, մեր երկիրը շահագրգռված է զարգացնելու և խորացնելու համագործակցությունը հատկապես տեղեկատվական տեխնոլոգիաների ոլորտում, որտեղ Հնդկաստանի հաջողություններն ակնառու են:



Հանդիպման ավարտին վարչապետ Սերժ Սարգսյանը հաջողություն է մաղթել տիկին Դիքշիթին` երկու երկրների միջև համագործակցության սերտացմանն ուղղված իր գործունեության մեջ:





Մարտ 2024
ԵրկԵրքՉրքՀնգՈւրՇբթԿրկ
 123
45678910
11121314151617
18192021222324
25262728293031

-

Արխիվ