Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

չորեքշաբթի, 1 օգոստոսի 2007


ՀՀ վարչապետ Սերժ Սարգսյանն այսօր հանդիպում է ունեցել Գերմանիայի Դաշնային Հանրապետությունում ՀՀ պատվավոր հյուպատոս, Քրոնիմեթ ընկերության (CRONIMET GRUPPE) հիմնադիր և նախագահ Գյունթեր Պիլարսկու գլխավորած պատվիրակության հետ:


Ողջունելով և բարձր գնահատելով Հայաստանում գերմանական ամենախոշոր ներդրողի` Զանգեզուրի պղնձամոլիբդենային կոմբինատի բաժնետոմսերի 70 տոկոսի սեփականատեր Քրոնիմեթ ընկերության գործունեությունը մեր երկրում, որի շնորհիվ Գերմանիան Հայաստանում դարձել է խոշորագույն ներդրողներից մեկը, վարչապետը ՀՀ կառավարության անունից պատրաստակամություն է հայտնել խորացնել համագործակցությունը համաշխարհային շուկայում մետաղագործական արդյունաբերության մեջ անմշակ հումքի վերամշակմամբ զբաղվող առաջատար այդ ընկերության հետ: Սերժ Սարգսյանն ընդգծել է, որ ՀՀ կառավարությունն իր առաջիկա հինգ տարիների ծրագրում հանքարդյունաբերության ոլորտը դիտարկել է զարգացման առաջնահերթություններից մեկը, և արտահանման լուրջ հեռանկար ունեցող այդ ոլորտի զարգացման նպատակով հնարավորինս խրախուսելու է պետություն-մասնավոր հատված համագործակցությունը: Զանգեզուրի պղնձամոլիբդենային կոմբինատի և ՀՀ կառավարության փոխգործակցությունը, ըստ վարչապետի, կարող է դառնալ շատ լավ օրինակ:


ԳԴՀ-ում ՀՀ պատվավոր հյուպատոս Գյունթեր Պիլարսկին տեղեկացրել է, որ իր այցը Հայաստան նպատակ ունի խորացնել համագործակցությունը և ուրախ է ՀՀ կառավարության ղեկավարի կողմից լսել նույնպիսի պատրաստակամության և ցանկության մասին: Նա վարչապետին ներկայացրել է Զանգեզուրի պղնձամոլիբդենային կոմբինատի հետ կապված զարգացման առաջիկա ծրագրերը, որոնցից մեկն էլ, ըստ պարոն Պիլարսկու, պղնձի խտանյութը տեղում վերամշակելու ծրագիրն է, ինչը բավականին օգտակար կարող է լինել Հայաստանի համար: Նշելով, որ վերջին տարիներին համաշխարհային շուկայում բավականին բարձրացել է մետաղի գինը` Գյունթեր Պիլարսկին ասել է, թե դա Զանգեզուրի պղնձամոլիբդենային կոմբինատին ևս լրացուցիչ ներդրումների լավ հնարավորություններ է ընձեռում:


Ի պատասխան վարչապետի հարցին, թե արդյո՞ք կոմբինատի հզորությունների մեծացումը բնապահպանական առումով խնդիրներ չի հարուցի, պարոն Պիլարսկին վստահեցրել է, որ ամբողջ աշխատանքն իրականացվելու է փակ ցիկլով, և մտահոգության որևէ հիմք չկա:


ՀՀ վարչապետի և գերմանական պատվիրակության հանդիպման ժամանակ քննարկվել են նաև այլ ոլորտներում հեռանկարային համագործակցության հետ կապված հարցեր: Երկուստեք կարևորվել է ապահովագրական շուկայի զարգացումը մեր երկրում և այդ նպատակով խոշոր բանկերի ու ապահովագրական ընկերությունների մուտքը հայկական շուկա: Անդրադարձ է արվել նաև տրանսպորտի ոլորտում փոխգործակցությանը, որի ուղղությամբ արդեն բանակցություններ են ընթանում Երևանի քաղաքապետարանի ու շահագրգիռ նախարարությունների հետ: Գյունթեր Պիլարսկին ներկայացրել է «Էլեկտրոն» գործարանի հետ կապված իրենց ծրագրերը ևս, որոնք, ըստ նրա, նույնպես բավականին շահավետ են:


Հանդիպման ընթացքում նշվել է, որ ս.թ. աշնանը գերմանական կողմը նպատակ ունի հայկական բարձրաստիճան պատվիրակության մասնակցությամբ կազմակերպել «Հայաստանի տնտեսության օրեր Գերմանիայում» խորագրով միջոցառում, որը լրացուցիչ խթան կհանդիսանա տնտեսական հարաբերությունների զարգացման համար:


ՀՀ վարչապետ և ԳԴՀ-ում ՀՀ պատվավոր հյուպատոսը կարևորել են նաև Հայ-գերմանական միջկառավարական հանձնաժողովի աշխատանքը, որի հերթական նիստը նախատեսված է առաջիկա սեպտեմբերին:

Հոկտեմբեր 2019
ԵրկԵրքՉրքՀնգՈւրՇբթԿրկ
 123456
78910111213
14151617181920
21222324252627
28293031 

-

Արխիվ