Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

հինգշաբթի, 12 հուլիսի 2007


ՀՀ վարչապետ Սերժ Սարգսյանն այսօր ընդունել է Հայաստանում Չինաստանի Ժողովրդական Հանրապետության նորանշանակ արտակարգ և լիազոր դեսպան Խուն Ցզիույինին:



Շնորհավորելով դեսպանին՝ մեր երկրում իր դիվանագիտական առաքելությունն սկսելու կապակցությամբ, վարչապետն ընդգծել է, որ ՉԺՀ-ի հետ հարաբերությունների զարգացումը Հայաստանի արտաքին քաղաքականության առաջնահերթություններից է, և երկու երկրների դեսպանների աշխատանքը, այդ հարաբերությունների առավել ամրապնդման ու համագործակցության ընդլայնման տեսանկյունից, անչափ կարևոր է: Վարչապետը խորհրդանշական է համարել պարոն Խուն Ցզիույինի նշանակումը դեսպանի պաշտոնում այնպիսի մի ժամանակաշրջանում, երբ Հայաստանը և Չինաստանը նշում են իրենց դիվանագիտական հարաբերությունների հաստատման 15-ամյակը: ՀՀ կառավարության ղեկավարը բարձր է գնահատել փոխադարձ հարգանքի և վստահության վրա հիմնված հայ-չինական հարաբերությունները, նշելով, որ ՀՀ կառավարությունն այսուհետ ևս պատրաստակամ է հնարավորինս նպաստելու բոլոր բնագավառներում երկկողմ համագործակցության ընդլայնմանն ու զարգացմանը:



Դեսպան Խուն Ցզիույինը Սերժ Սարգսյանին է փոխանցել իր երկրի վարչապետի ողջույններն ու ՀՀ վարչապետ նշանակվելու կապակցությամբ շնորհավորանքը: Դեսպանը նշել է, որ համագործակցության համար բավականին ամուր հիմքեր են դրված և իր պատկերացմամբ, մի շարք բնագավառներում նոր և հեռանկարային ծրագրերի իրագործման լայն հնարավորություններ կան: Պարոն Խուն Ցզիույինն ասել է, թե այդ համոզմանն է եկել Հայաստանում գտնվելու մոտ մեկ ամսվա ընթացքում ՀՀ տարբեր նախարարություններում ունեցած հանդիպումներից հետո, որտեղ ըստ ոլորտների հանգամանորերն քննարկվել են հեռանկարային և փոխշահավետ ծրագրեր: Դեսպանն անդրադարձել է այդ ոլորտներից մի քանիսին, մասնավորապես՝ գյուղատնտեսության բնագավառում գործակցությանը, հայկական կոնյակը չինական շուկա արտահանելու հեռանկարին, կրթության բնագավառում՝ հատկապես տարբեր մասնագիտությունների գծով ուսանողների փոխանակման կարևորությանը, համատեղ ձեռնարկությունների հիմնմանը և այլն: Վերջինիս հետ կապված, դեսպան Ցզիույինը տեղեկացրել է, թե առայժմ հայ-չինական միակ՝ «Շանսի-Նաիրիտ» ՀՁ-ի շահագործման հանձնումը և առաջին արտադրանքի թողարկումը նախատեսվում է 2007թ. վերջին կամ հաջորդ տարեսկզբին:



Հանդիպման ընթացքում երկուստեք կարևորվել է նաև միջկառավարական հանձնաժողովի աշխատանքի ակտիվացումը:

 

Օգոստոս 2020
ԵրկԵրքՉրքՀնգՈւրՇբթԿրկ
 12
3456789
10111213141516
17181920212223
24252627282930
31 

-

Արխիվ